Taldyqorǵanda otbasylyq-turmystyq zorlyq-zombylyqty boldyrmaý boıynsha qabyldaý ótkizildi

Almaty oblysynyń tártip saqshylary «Otbasyndaǵy zorlyq-zombylyqqa jol joq!» respýblıkalyq aksııasy sheńberinde oblys turǵyndaryna aqparattyq-quqyqtyq túsindirý jumystaryn uıymdastyrdy.

Oblys ortalyǵy-Taldyqorǵan qalasyndaǵy «О́tenaı» aýyldyq okrýginde PD Jergilikti polısııa qyzmeti basqarmasynyń basshylyǵy jergilikti turǵyndardy qabyldap, polısııa qyzmetine qatysty ótinishteri men pikirlerin tyńdady.

Turmystyq zorlyq-zombylyqtyń aldyn alý, jolyn kesý, sondaı-aq ana men balany qorǵaý maqsatynda uıymdastyrylǵan is-sharaǵa zorlyq-zombylyq qurbandaryna áleýmettik kómek kórsetý mamandary tartyldy.

         Qabyldaýǵa kelgen turǵyndar otbasylyq-turmystyq máselelerdi sheshýde óskeleń urpaqtyń, jastardyń tárbıesine mán berý kerektigin, «úılenýdiń ońaı, úı bolýdyń qıyn» ekenin aıtyp, ulttyq qundylyqtardy dáripteý qajettigin atap ótti.

Polıseıler taratqan aqparatqa sáıkes, 2019 jyly áleýmettik ortalyqta 42 tulǵaǵa qyzmet kórsetilgen. Olardyń 16 áıel, qalǵany – kámilettik jasqa tolmaǵan jasóspirimder.

Sonymen qatar, jyl basynan beri oblystyq polıseıler otbasylyq-turmystyq quqyq buzýshylyqtyń aldyn alý maqsatynda «Sizdiń quqyǵyńyz qorǵalady», «Áıel – otbasy shyraǵy» aksııasy, «Turmys», «Profılaktıka» jedel aldyn alý is-sharalaryn ótkizdi, túrli áleýmettik beınerolıkter ázirledi, otbasylyq-turmystyq zorlyq-zombylyqtyń qurbany nemese kýágeri bolǵan jaǵdaıda negizgi is-áreketter týraly arnaıy aqparattyq quraldar daıyndady.

 Almaty oblysynda polıseıler otbasylyq-turmystyq qatynasta 1963 quqyq buzýshyǵa qatysty qorǵaý nusqamasyn shyǵaryp, 401 erekshe talap ornatqan.