• USD 378.65
  • EUR 430.07
  • RUB 6
  • CNY 55.1
21 Tamyz, 09:52:52
Alpınısterdiń naqty qaı jerde ekeni áli belgisiz

03 Maýsym, 2019 Almaty oblysy

Almaty oblysynyń kásipkerleri birden 18 kóp balaly otbasyǵa baspana syılady

Kúni keshe, Almaty oblysynyń eń taýly mekeni Raıymbek aýdannyń kásipkerleri jalpy somasy 60 mln teńgeni quraǵan 18 baspanany kóp balaly jáne turmysy tómen otbasylarǵa syıǵa tartty. Osymen, Jetisý jomarttary 90-ǵa jýyq otbasyny úıli qylǵan. 

Jyl basynan oblys ákimi Amandyq Batalov  bastaǵan qaıyrymdylyq marafony Raıymbek aýdanyna da jetti. Aýdanda jalpy  829 kóp balaly otbasy úı kezeginde tursa, onyń ishinde az qamtylǵany 423. Búginde sonyń 18 –i úıli boldy. Aýdan ákimi Jolan Omarovtyń qatysýymen tabys etilgen qýanysh kilti eń aldymen Saryjaz aýylynyń turǵyny, 7 balanyń anasy Jazyqbaeva Sholpanǵa berildi. Nur Otan

«Elbasy «Nur Otan» partııasynyń XVIII sezinde «kóp balaly jáne turmysy tómen otbasylarǵa degen qoldaýdy kúsheıtý kerektigin» aıtqan bolatyn. Osy tapsyrma aıasynda, oblys ákiminiń ózi jyl basynda qaıyrymdylyq marafonyn bastap ketti. Endi sol qýanysh toıy bizdiń aýylǵada kelip jetti. Osy úıdi satyp berip jatqan aýdan kásipkerlerine zor alǵysymdy bildiremin»  - deıdi, aýdan basshysy. Nur Otan

Eń kishisi eki jasar januıanyń eki asyraýshysy da jumyssyz. 7 balanyń eń úlkeni stýdent Alfııanyń aıtýynsha, myna 6 bólmeli úı keń saraıdaı eken.

«Baýyrlarym ana bólmeden, myna bólmege asyr salyp oınap júr. Olarǵa bul úı keń saraıdaı, sebebi biz  buryn 1 bólmeli, úı deýge kelmeıtin jerde turǵan edik» - dedi, kishkentaı qyz kózine jas alyp. Nur Otan

Kelesi úıler, Qaqpaqty, Sarybastaý, Qarasaz, Shálkóde, Jambyl, Saryjaz, Tegistik, Súmbe  aýyldary men aýdan ortalyǵy Narynqolda tabys etildi. Úı alǵan 18 otbasynda keminde 7-8 baladan, 3 otbasyda múmkindigi shekteýli jandar bar, 4- i asyraýshysynan aıyrylǵan jáne kóbisi jumyssyz. Nur OtanNur OtanNur Otan

Merýert Mahmutjan, Almaty oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir