Almaty oblysynda «Seni úıde kútedi» atty aksııa ótti

Almaty oblysynda jol qozǵalysy qaýipsizdigin nasıhattaýǵa arnalǵan arnaıy aksııa bastaý aldy. Igi sharany «QazAvtoJol» UK» AQ Almaty oblystyq fılıaly, «Kazahavtodor» JShS Almaty oblystyq fılıaly jáne Almaty oblysynyń polısııa departamenti uıymdastyrdy.

Is-shara barysynda uıymdastyrýshylar respýblıkalyq mańyzy bar «Almaty-Bishkek» avtojolynyń boıynda jyldamdyqty shekteý belgilerin qoıyp, arnaıy plakattar ázirlep júrgizýshilerdi jol erejesin buzbaýǵa, jyldamdyqty asyrmaýǵa shaqyrdy. Sondaı-aq, júrgizýshilerge jol júrý erejeleri jazylǵan aqparattyq taratpa qaǵazdar berildi.

Aksııanyń basty maqsaty – jyldamdyqty shamadan tys asyrý jáne jol erejesin saqtamaý saldarynan jol-kólik oqıǵalary jıilep qara joldyń boıynda qaza tapqandar sanynyń artqanyna halyqtyń nazaryn aýdarý, júrgizýshi mádenıetin arttyrý.

Anyqtama úshin: 2018 jyly «Almaty-Bishkek» avtojolynda 171 jol-kóliktik apaty tirkelgen. Apatta 49 adam qaza taýyp, 280 adam jaraqat alǵan.

Zertteý boıynsha jol-kólik oqıǵalarynyń túrleri:

-        Qaqtyǵysý;

-        Aýdarylý;

-        Jaıaý júrginshini qaǵyp ketý.

Jol-kólik apatynyń negizgi sebepteri:

-        Jyldamdyqty arttyrý;

-        Qarama-qarsy jolǵa shyǵý

-        Ara qashyqtyqty saqtamaý

Atalmysh aksııa jol qozǵalysynyń qaýipsizidigin nasıhattaýǵa arnalǵan dástúrli naýqan bolyp tabylady.

Sharaǵa oblystyq jáne respýblıkalyq joldardy ortasha jóndeý men qaıta jańartý jumystaryn júrgizetin «RSÝ-1» JShS, «T.M.M.Bereke» JShS, «Almaty joldary» JShS, «Atyraýınjstroı» JShS, «Jandos ı K» JShS kompanııalary qoldaý kórsetti.