• USD 378.65
  • EUR 430.07
  • RUB 6
  • CNY 55.1
21 Tamyz, 11:30:29
Alpınısterdiń naqty qaı jerde ekeni áli belgisiz

25 Maýsym, 2019 NEWS

Arysta jarylysty paıdalanyp, urlyq jasaǵan alaıaqtar ustaldy

Keshegi qaıǵyly oqıǵadan keıin jelide janarmaı quıý beketi men dúkenderdiń tonalǵany týraly aqparattar jeldeı esken. Sóıtsek, ras eken...

Arys qalasyndaǵy tótenshe jaǵdaıdy paıdalanyp, bir úı men dúkendi tonaǵan úsh adam ustaldy, dep habarlaıdy Qamshy.kz aqparat agenttigi QazAqparatqa silteme jasap.

"Oqıǵa ornynda oblystyq jedel shtab quryldy. Jedel jeli iske qosylyp, oǵan osy ýaqytqa deıin 11 myńǵa jýyq qońyraý kelip tústi. Qazirgi ýaqytta urlyq-qarlyqtyń aldyn alý úshin polısııanyń 75 narıady oqıǵa ornynda jumys júrgizýde. Sonymen qatar, eki qylmysty jasaǵan úsh adam ustaldy. Atap aıtqanda, bir dúken men bir úı tonalǵan", - dedi Ishki ister mınıstri Erlan Turǵymbaev Úkimet otyrysynda.

Mınıstrdiń aıtýyna qaraǵanda, Arys qalasyna kirgen jáne shyqqan kólikterdiń barlyǵy tekserilip jatyr.

"Tótenshe jaǵdaıdyń saldarynan eki adam kóz jumdy. Biri Arys qalasynyń áskerı bóliminiń áskerı qyzmetshisi, ekinshisi Arys qalasynyń turǵyny. Eki adam jansaqtaý bóliminde jatyr. 34 adam aýrýhanaǵa jatqyzyldy. Jeńil jaraqat alǵan 12 adamǵa medısınalyq kómek kórsetildi", - dedi ol.

Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy. Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.  

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir