• USD 378.65
  • EUR 430.07
  • RUB 6
  • CNY 55.1
25 Tamyz, 02:49:04
Qoryqshylardyń materıaldyq-tehnıkalyq bazasy kúsheıtiledi

25 Maýsym, 2019

Arys qalasynyń turǵyny: "Soǵys kórdik biz..."

Molaǵa qaraı qasha jóneldim. Meni balam arqalap, kóterip alyp shyqty.

Arys qalasynyń turǵyndaryn qaýipsiz jerge ornalastyrý jumystary jalǵasýda. Shymkent qalasyndaǵy jeke medısınalyq ortalyqtarda jýynatyn oryn, tamaq jáne jatatyn oryn tegin berilip jatyr. Qamshy.kz aqparat agenttigi tilshisi atalmysh ortalyqtaǵy zardap shekken turǵyndardyń hal-jaǵdaıyn bildi. Arys qalasynyń turǵyndary búgingi bolǵan jarylys týraly pikir bildirdi. 

— Jarylystyń daýysyn estigen kezde qasha jóneldim. Molaǵa qaraı qasha jóneldim. Meni balam arqalap, kóterip alyp shyqty. Biraq qujattarymyzdy alyp úlgermedik. Eshnárse alǵanymyz joq. Jarylys bolǵan kezde sportzalda edik. Bir kezde sport zaldyń áınegi jaryldy. Tipti aıaq kıimdi de kımedim. Qashyp júrgen kezde bir jigit aıaq kıimin berdi. Molada qaıda qasharymyzdy bilmeı júrgen kezde arnaıy kólik keldi. Soǵan minip Shymkentke jetip aldyq. Soǵys kórdik biz... Týǵan-týysymyzdan habar ala almaı otyrmyz. Baılanys joq. Azannan beri qańǵyp júrmiz, - dep pikir bildirdi Ospanova Aıtolqyn.

Men bala baqshada tárbıeshi bolyp jumys isteımin. Balalardy tańǵy jattyǵý jasaýǵa dalaǵa shyǵarǵanbyz. Keıin bala baqshaǵa qaıta kirgenimiz sol edi, jarylystyń daýsyn estidik. Jıyrma shaqty balamen birge qashtyq. Bala baqshadaǵy balalar qalmady. Sóıtip júrip, úıdegi ózimniń balamdy umytyp ketippin. Biraq aman-esen Shymkentke jettik qoı, - deıdi Núrııa Maqulbekova esimdi Arys qalasynyń turǵyny.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir