25 Maýsym, 2019 Oqıǵalar
Memleket basshysy oq-dári bazasynda jarylystyń saldaryn anyqtaý úshin jedel shtabtyń otyrysyn ótkizdi dep habarlaıdy Qamshy.kz aqparat agenttigi.
Ol týraly prezıdenttiń baspasóz hatshysy Berik Ýálı óziniń feısbýk áleýmettik jelisinde jarııalady.
Qasym-Jomart Toqaev oblys ákimi О́mirzaq Shókeevtiń oqıǵa ornynda bolǵan jaǵdaı men qoldanylǵan sharalary týraly baıandamasyn tyńdady.
Memleket basshysy eń aldymen, qaıtys bolǵan azamattyń otbasyna, jaqyndaryna qaıǵyra kóńil aıtty.
Sonymen qatar, qaýipsiz jerge kóshirilgen turǵyndarǵa eń aldymen barynsha kómek pen medısınalyq qoldaý kórsetýdi tapsyrdy. Memleket basshysy memlekettik rezerv esebinen qalanyń jaǵdaıyn qalpyna keltirýdi qamtamasyz etý úshin qajetti taýarlar men qajetti zattardy jetkizýdi buıyrdy.
Úkimet pen oblys ákimdigine qalpyna keltirý jumystarynyń qunyn eseptep, turǵyn úı qurylysyn, ınjenerlik jelilerdi, áleýmettik jáne basqa ınfraqurylymdardy qalpyna keltirý úshin Úkimet rezervinen qajetti qarajat bólýdi tapsyrdy.
Qasym-Jomart Toqaev oqıǵa ornynda qutqarý jáne qalpyna keltirý jumystary kezinde naqty vedomstvoaralyq jumystardy baqylaýdy, sondaı-aq jarylystyń sebepterin jan-jaqty zertteýdi talap etti.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir