• USD 378.65
  • EUR 430.07
  • RUB 6
  • CNY 55.1
16 Shilde, 23:25:31
Almatyda shaǵyn avtobýs órtke orandy (vıdeo)

24 Maýsym, 2019 NEWS

Arys halqy taý basyna shyǵyp ketken (vıdeo)

Áleýmettik jelige oq-dári saqtaıtyn qoımanyń jarylysyn vıdeoǵa túsirip, júktegen qoldanýshy halyqtyń taý basyna shyǵyp ketkenin aıtady.

Búgin Arys qalasyndaǵy oq-dári saqtaıtyn áskerı qoımada jarylys bolyp, órttiń jalyny qalany túgel qamtydy. Shoshynǵan halyq balasyn jetektep, qujatyn alyp beti aýǵan jaqqa bosyp barady dep jazady Qamshy.kz aqparat agenttigi.

Áleýmettik jeli qoldanýshylarynyń sózine sensek, qazir halyqtyń deni Arystan 30-35 shaqyrym jerdegi bosaǵa taýynyń basyna shyǵyp ketken. 

Halyqty zalalsyzdandyrýǵa 40 avtobýs bólinip, 15 pýnkt taǵaıyndalǵan. Degenmen, qalaǵa barar joldyń keptelisi sumdyq. Vıdeoda bos oryny bar kólikterdiń balaly áıelderdi, qol kótergen azamattardy alyp ketpeı jatqanyn anyq kórýge bolady. 

Qorǵanys mınıstrliginiń málimetinshe, Arystaǵy apattan ázirge eshkim jaraqat alyp, japa shekpegen. 

"Búgin Arys qalasyndaǵy áskerı bólim aýmaǵynda úlken jarylys boldy. Dál osyndaı jaǵdaı osydan 10 jyl buryn (2009 jyly, 20 naýryz) kúni bolǵan. Qazirgi tańda bizdiń aýyldyń halqy (Arys aýdany, Shógirli aýyly) aýyldan 30-35 shaqyrym jerdegi "Bosaǵa" taýynyń basynda otyr. Elimiz aman, jurtymyz tynysh bolsyn", - dep jazady Nurjan Qońyrbaı esimdi jeli qoldanýshysy. 

 

Qate tapsańyz, qajetti bólikti tańdap ctrl+enter basyńyz.

Pikir qaldyrý

0 pikir