Ánýar Nurpeıisov - arzan qaharman!

Halyqta “Kishi Jeltoqsan” dep atap ketken saılaýdan keıingi tolqýlar aıaqtaldy. Ámirjan Qosanov sózinen taıyp, halyqtyń yzasyn shyǵaryp, tarıh túbine ketti dep oılaımyz, endi.  

Saılaý naýqany kezinde sózin qoǵamǵa estirtip, eldi oıatyp júrgen Ánýar Nurpeıisov 9-maýsym kúninen keıin joǵalyp ketti. Ony izdegen áleýmettik jeli qoldanýshylary ápkesinen Shrı-Lankada júrgeni týraly bildi. Halyqty oıatyp-oıatyp, basqa elge uıyqtaýǵa ketti ma, biz ol týraly bilmeımiz. Biraq, ózi bastaǵan jolynan taıyp, halyq zar bolǵan kezde aty shyqpaı zyt etti.  

“Oıan, Qazaqstan” dep press-konferensııa jınap, popýlısttik uranmen shyqtyńyzdar. Biraq, halyqta aqymaq emes. Qosanovqa bir aldanyp, endi sizderde dál sonyn sózderin qaıtalap otsyzdar. Elge, qoǵamǵa, halyqqa bar problemalardy aıtyp otyra bergennen olar sheshilmeıdi. Olardy sheshý joldary jáne josparymen nazardy aýdarý qajet.  

О́zińiz Álııa Isenovaǵa bergen suhbatynda aıtqandaı, uıymdasqan mıtıng kerek, bar bolsa barar edin dep qaqsaǵan edińiz. Mine, saılaý nátıjesine kelispegender shyqty. Al siz qaıdasyz? Birneshe kún izdegen qaýym sizdi Shrı-Lankadan bir-aq tapty. Álemniń basqa buryshynda ne joǵaltyp alǵanyńyz bir Qudaı biledi. 

“Strashnyı jýz” Telegram-kanaly jazǵandaı, Ánýar Nurpeıisov saılaýǵa deıin jańa jobaǵa qarajat taba almaǵan. Biraq, saılaýǵa 1-2 kún qalǵanda kerek somma bere alatyn demeýshilerdi tapqan.   

Sizdiń ekijúzdigińizdi kórgen jurtta #menoıandym shyqqan dep oılaımyn.   

Halyqty ózinińizdiń kommersııalyq oıyny úshin qoldanbańyz! Al endi sizge de qyzǵylt qoıan myrza! Esik ashyq! Saý bolyńyz!