24 Maýsym, 2019 Saıasat
Parlamenttiń qos palatasy taǵy bas qospaq: Qupııa otyrystardyń syry nede?
20-maýsym kúni Parlamenttiń qos palatasynyń birlesken otyrysy ótken. Bir aıdaǵy ekinshi otyrys aldaǵy jumaǵa, 28-maýsymǵa josparlanǵan.
Parlam.kz
QR Parlamentiniń qos palatasynyń ekinshi ret birlesken otyrys ótpek. Osyndaı buıryqqa Májilis tóraǵasy Nurlan Nyǵmatýlın qol qoıdy dep jazady Qamshy.kz aqparat agenttigi.
"28-maýsym kúni, saǵat 10:00-de Nur-Sultan qalasynda Parlamenttiń qos palatasynyń birlesken otyrysy shaqyryldy", - delingen tómengi palatanyń resmı saıtynda.
20-maýsym kúni shaqyrylǵan otyrysta Konstıtýsııalyq zańdardyń jaǵdaıy men 2018 jyly bólingen respýblıkalyq bıýdjetti tolyq ıgerý máselesi sóz bolǵan.
Al aldaǵy ýaqytta ótetin qos palatanyń birlesken otyrysynda talqylanatyn negizgi suraqtardy Konstıtýsııalyq keńestiń basshysy Qaırat Mámı aıtyp berdi. Onyń aıtýynsha, áıelder men balalardyń qaýipsizdigin, adam quqyqtaryn qorǵaý máselesi sóz bolmaq.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir