• USD 378.65
  • EUR 430.07
  • RUB 6
  • CNY 55.1
26 Tamyz, 05:27:04
Qoryqshylardyń materıaldyq-tehnıkalyq bazasy kúsheıtiledi

23 Maýsym, 2019 Aıtty-eı, baýyryń!

Baqytjan Buqarbaı: "Halyqty aqymaq kórýdi qashan qoıasyzdar?"

Baqytjan Buqarbaı "jastardyń atynan N. Nazarbaevtyń eskertkishin ornatýdy usynamyn" degen Mádı Ahmetov jaıly post jazǵan Dáýlet Káribekke saýal joldady.

"Jas Otannyń" basshysy Dáýlet Káribek ótkende Almatyda Nazarbaevqa eskertkish qoıýdy usynǵan qolastyndaǵy jigitti qorǵashtap sýrettegideı post jazypty.

Dáke, Qudaıǵa shúkir, biz de elimizdiń damýyna úles qosýdan kende emespiz, myńdaǵan azamatymyz sııaqty qý tirshilik pen jan baǵý jaǵdaıynda júrsek te, memleketten bir tıyn járdem kórmeı, qoldan kelgenshe elimizge eńbegimizdi sińirýge tyrysyp baǵýdamyz. Sondyqtan, "biz óıtip jatyrmyz, búıtip jatyrmyz" dep jasaǵan isterińizdi mindetsinýdiń qajeti joq dep oılaımyn. Eldiń qamyn tek sizder ǵana oılap júrgen joqsyzdar.

Endi ózińiz máseleni kótergen ekensiz, aıtpasa sózdiń atasy óledi demekshi, biz de sizge 4 suraǵymyzdy joldaıyq, solarǵa jaýap berińizshi:

1) qolastyńyzdaǵy jigit barlyq jastardyń emes, óz aınalasyndaǵy, qasyndaǵy jastardyń ǵana usynysyn jetkizdi deısiz. Olaı bolsa ol nege: "Biz barsha qazaqstandyq jastardyń emes, óz aınalamdaǵy, qasymda júrgen jastardyń atynan eskertkish ornatýdy usynamyn" dep aıtpady? Umytyp qalsańyz ne estimeseńiz, Mádıdiń BAQ-ta jarııalanǵan sózin keltireıin: "Biz jastardyń atynan Almatydaǵy Nazarbaev dańǵylynda elimizdiń negizin qalap, ony damytýǵa baǵa jetpes úles qosqanyńyz úshin sizdiń eskertkishińizdi ornatý týraly usynysymdy qabyldaýyńyzdy suraımyz".

2) Qolastyńyzdaǵy jigittiń sózin jaǵympazdyq emes deısiz. Almatyda bir emes, eki jerde tuńǵysh prezıdenttiń músini tur. Jaǵympazdyq demegenniń ózinde, bir qalada bir kisige úshinshi músinniń qoıylǵanyn durys sanaısyz ba? Adamǵa tiri kezinde eskertkishtiń qoıylýyna kózqarasyńyz qandaı?

3) Qolastyńyzdaǵy jigit tuńǵysh prezıdentti "elimizdiń negizin" qalaýshy dep otyr. San ǵasyrlyq tarıhymyz, Kereı men Jánibek sııaqty eldigimizdiń irgetasyn qalap ketken tulǵalarymyz barda osylaı sóıleý biz úshin geosaıası táýekeldi arttyryp, elimizge kesirin tıgizýi múmkin dep oılamaısyz ba? Álde "Jas Otan" elimizdiń tarıhy tek sońǵy 30 jylmen shekteledi dep sanaı ma?

4) Halyqty aqymaq kórýdi qashan qoıasyzdar?
 
Aıta ketsek, osynyń aldynda Dáýlet Káribek óziniń ınstagram paraqshasynda "jastardyń atynan N. Nazarbaevtyń eskertkishin ornatýdy usynamyn" degen Mádı Ahmetov jaıly post jazǵan bolatyn.
 
 
 
 
Posmotret etý pýblıkasııý v Instagram
 
 

Sońǵy kezderi əleýmettik jelide tek aıyptaý nemese synaý ǵana úlken «suranysqa» ıe. Qandaı taqyryp, pikirtalas bolsyn tek qur mysaldar men bir jaqty qɵzqaraspen jazylady. Jaqynda «JasOtandyq Mádı Axmetov Elbasyna arnap eskertkish qoıýdy usyndy» dep əleýmettik platformalar shýlap jatty. Qoldanýshylardyń bir bɵligi, Mədı nege barsha jastardyń atynan sɵıledi dese, ekinshileri jaǵympazdyqtan jasalǵan usynys dep aıtty. Biz, Elbasy ɵzi qurǵan 20 jyldyq tarıhy bar, elimizdiń eń úlken «Nur Otan» partııasynyń jastar qanatymyz. Ɵz bilimimiz ben kúshimizdi, bolashaqta el tizginin bekem ustaıtyn, elimizdiń myzǵymastyǵyn nyǵaıtatyn, kɵk baıraǵymyzdy kɵkke kɵteretin, júregi «elim, jerim» dep soǵatyn ult jandy jastardy tərbıeleımiz. Ərbir Jasotandyq kúndelikti isimen bilim, ǵylym, mədenıet, sport salasynda elimizdiń qaryshtap damýyna súbegeli úlesin qosýda. Ərbireýi tek sɵzben ǵana emes, ispen əlde qaıda dəleldep,jasap jatyr. Mədıge keletin bolsaq, Birinshiden, Mádı barsha qazaqstandyq jastardyń emes, óz aınalasyndaǵy, qasynda júrgen jastardyń usynysyn jetkizdi. Ekinshiden, bul usynys jaǵympazdyq emes, bul Elbasynyń Qazaqstan úshin arnaǵan ómiri men sińirgen eńbeginiń kɵrinis ári berilgen madaǵy, muny ár qazaqstandyq jaqsy biledi ári baǵalaıdy dep oılaımyn. #jasotan #jańaálemgejolsalamyz

Pýblıkasııa ot Daulet Karibek (@daulet_karibek)

 
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir