• USD 378.65
  • EUR 430.07
  • RUB 6
  • CNY 55.1
21 Tamyz, 09:41:54
Alpınısterdiń naqty qaı jerde ekeni áli belgisiz

21 Maýsym, 2019 Saıasat

Nazarbaevtyń ósıeti: "Qazaq dál búgingideı ómirdi eshqashan kórgen joq, azat Otanymyzdan aıyrylyp qalmaıyq"

Táýelsizdiktiń qandaı qıynshylyqpen kelgenin bilmeıtin jastar azat Otanynan aıyrylyp qalatynyn túsinbeıdi.

Almatyda Elbasynyń qatysýymen "Kemeńgerliktiń 30 jyly" atty halyqaralyq konferensııa ótti dep habarlaıdy Qamshy.kz aqparat agenttigi Aqordaǵa silteme jasap. 

30 jyldyq

Ol konferensııada sóılegen sózinde elimizdiń birinshi basshysy laýazymyndaǵy búkil qyzmeti Qazaqstandy damytýǵa arnalǵanyn atap ótti.

Nursultan Nazarbaev álemdik damý úderisine áser etetin strategııalyq syn-qaterlerdiń birneshe tobyn atap kórsetti. Atap aıtqanda, qarqyndy ári úzdiksiz tehnologııalyq tolqyn, kezekti ındýstrııalyq revolıýsııaǵa baılanysty ekonomıkalyq paradıgmanyń aýysýy, álemdegi geosaıası jaǵdaıdyń ózgerýi, túrli sıpattaǵy jahandyq deńgeıdegi qaqtyǵys.

"Táýelsizdiktiń qandaı qıynshylyqpen kelgenin zerttemeıtin, bilmeıtin jastar búgingi erkin kúninen, azat Otanynan aıyrylyp qalatynyn túsine bermeıdi.Memleket buǵan jol bermeýi qajet. Búkil halyq bolyp birlikti, tynyshtyqty qoldaý kerek. Qazaq dál búgingideı ómirdi eshqashan kórgen joq. Aıyrylyp qalmaıyq. Meniń elime aıtatyn negizgi ósıetim osy. Uly Abaıdyń «birińdi, qazaq, biriń dos kórmeseń – istiń bári bos» degeni de osy bolar. Umytpaıyq. Halyq pen Prezıdent árdaıym birge", - dedi Nazarbaev.

Nursultan Nazarbaev memleketti qurý jolyndaǵy jáne egemendi eldi qalyptastyrýdaǵy qıyndyqtar týraly aıtty. Sonyń ishinde, Qazaqstannyń Tuńǵysh Prezıdenti toqsanynshy jyldardyń basynda elimizdegi ulttyq ekonomıkanyń qıraýyna, etnosaralyq qaqtyǵystardyń paıda bolý qaýpine baılanysty jaǵdaı jóninde aıtty.

"Qazaqstan demografııalyq quldyraý sheginde turdy. 1989 jylǵy halyq sanaǵyna sáıkes, baıyrǵy halyq – qazaqtar 39 paıyz nemese 6,5 mıllıonnan sál ǵana astam adam boldy. Sol kezeńdegi aýyr ekonomıkalyq ahýal halyqtyń Qazaqstannan kóptep kóship ketýine alyp keldi. Ol jyldary ortasha ómir súrý jasy 5 jylǵa qysqardy, týý kórsetkishi birden tómendedi", – dedi Nursultan Nazarbaev.

"Meniń aǵa býyn ókilderine aıtarym, sizderdiń danalyqtaryńyz jastardyń durys jolmen júrýine, Otandy súıýine, memleketti nyǵaıtýyna, Táýelsizdikti qorǵaýyna jáne jarqyn bolashaq úshin eńbek etýine járdemin tıgizýi tıis. Orta býyn ókilderine aıtarym, sizderdiń jınaǵan tájirıbelerińiz – qıyndyqtardy eńserý jolynda bárimizge kómegi tıetin baǵa jetpes kapıtal. Al, jastarymyzǵa aıtarym, jaqsy ómir súrýdiń bir ǵana joly bar – ol eńbek etý. Elimizdiń keleshek jolyn sizder anyqtaısyzdar, – dedi Elbasy.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir