"Habar" telearnasy jýrnalıster týraly telehıkaıa kórsetedi

Baılanys jáne aqparat qyzmetkerleri (jýrnalıster) kúnine oraı «Habar» arnasy brıtanııalyq BBC One telearnasynyń "Pressa" telehıkaıasyn kórsetedi dep habarlaıdy Qamshy.kz aqparat agenttigi. 

6 bólimdi týyndyny kórermender 24-28 maýsym aralyǵynda saǵat 21.30-da tamashalaıdy.

Kartınanyń oqıǵa jelisi boıynsha The Herald  gazeti The Post tabloıdymen bir ǵımaratta otyrady. The Herald  qyzmetkerleri jýrnalıstıkanyń  prınsıpterin ustansa, ekinshi basylym oqyrmandar sanyn arttyrý úshin etıka erejelerin buzyp, jalǵan aqparat taratýǵa ázir. Básekeles basylymdar kúrdeli máseleler men san alýan problemalardy sheshý barysynda kezdesedi. Ortaq aqparat, degenmen The Herald maqsaty – shyndyqty aıtý, al The Post – oqyrmandardyń kóńilin kóterýdi óz mindeti dep biledi.      

Telehıkaıada eki basty keıipker bar: The Post-tyń bas redaktory Dýnkan Allan,  ol úshin jumys birinshi orynda jáne  The Herald gazetiniń jańalyqtar bóliminiń redaktory Hollı Evans. Sonymen qatar týyndyda  medıanyń digital zamanyna jáne aqparat aǵynyna  beıimdelý barysy da sóz bolady.

Kartınanyń avtory Maık Bartlett («Doktor Foster»), basty rólderdi Ben Chaplın («Snoýden», «Imenınnısa»), Sharlotta Raılı («Grozovoı pereval», «Ostrye kozyrkı») jáne Devıd Sýshe («Pýaro Agaty Krıstı») oınaıdy.

«Pressa» telehıkaıasyndaǵy gazetter oıdan shyǵarylǵan, degenmen synshylar, serıaldaǵy basylymdar The Sun tabloıdy jáne The Guardian gazeti (Brıtanııanyń tanymal basylymdary) bolýy múmkin deıdi. Telehıkaıanyń rejısseri Tom Vonnyń aıtýynsha basylymdardyń aıqyn prototıpi joq, alaıda túsirilimnen buyn shyǵarmashylyq top ártúrli basylymdardyń jumysymen tanysyp, árqaısynan qyzyqty tustaryn alǵan.