106 tonna altyn: Elimizden Qytaıǵa altyn tasyǵan qylmystyq top ustaldy

2018 jyly Ulttyq qaýipsizdik komıteti uzaq ýaqyt boıy Qytaıǵa quramynda altyny bar kendi kontrabandalyq jolmen shyǵarýmen aınalysqan toptyń quqyqqa qaıshy áreketiniń jolyn kesti. Bul týraly UQK baspasóz qyzmetine silteme jasap. 

Transulttyq uıymdasqan toptyń quramyna Qazaqstan men QHR azamattary bolǵan.  

Quramynda altyny bar kendi aýqymdy túrde zańsyz óndirý jáne urlaý Aqmola oblysynyń Stepnogorsk óńirinde ornalasqan ken ornynan júzege asyrylǵan. Shıkizatty zertteý jáne qaıta óńdeý úshin arnalǵan jasyryn zerthanalar joıyldy. 

Altyn quramy joǵary (tonnasyna 1 kg deıin) qazaqstandyq ken ártúrli mıneral (kvarsıt, pırıt jáne basqalary) búrkemesimen jalǵan qujattar boıynsha shetelge shyǵarylǵan. Qylmyskerler aı saıyn shamamen 100 tonna quramynda altyny bar shıkizat shyǵarǵan.  

UQK júrgizgen arnaıy operasııa barysynda TUT músheleri 250 mln. teńgeden astam salmaǵy 106 tonnadan artyq kontrabandalyq júktiń kezekti partııasyn – eki vagon quramynda altyny bar kendi shyǵarý kezinde qylmys ústinde  ustaldy. 

“2019 jylǵy 20 maýsymda Almaty qalasynyń qylmystyq ister boıynsha mamandandyrylǵan aýdanaralyq soty barlyq 12 aıyptalýshyny QR QK 234 (ekonomıkalyq kontrabanda) jáne 264 (transulttyq uıymdasqan top, transulttyq qylmystyq uıym qurý, olarǵa basshylyq etý, sondaı-aq olarǵa qatysý) baptarymen kózdelgen qylmys jasaǵany úshin kináli dep tanyp, uzaq merzimge bas bostandyǵynan aıyrýǵa sottady”, - delingen habarlamada.