Nazarbaev: Meniń otbasym men jaqyndarym sizderdiń ıgilikterińiz úshin sport keshenin saldy (vıdeo)

Qazaqstannyń eks-prezıdenti Nursultan Nazarbaev Almaty oblysy Qarasaı aýdany Shamalǵan aýylynda boı kótergen "Úshqońyr" sport kesheniniń ashylý saltanatyna qatysty dep jazady Qamshy.kz aqparat agenttigi Aqordaǵa silteme jasap.

Nazarbaev óńirdiń barsha turǵyndaryn «Úshqońyr» sport kesheniniń ashylýymen quttyqtap, boı kótergen nysannyń jastardy tárbıeleý jáne dene shynyqtyrý isindegi mańyzyn atap ótti.

"Biz búgin aýdandaǵy biregeı sport keshenin ashtyq. Deni saýdyń – jany saý. Qazirgi zamanda deni saý adam ǵana tabysqa jetedi. Sondyqtan, biz bul nysandy jastarymyz úshin arnaıy saldyq", – dedi Qazaqstannyń eks-prezıdenti.

Sonymen qatar Nazarbaev bul sport keshendi óziniń otbasy men jaqyndary turǵyndardyń ıgiligi úshin salǵanyn aıtyp ótti.

"Meniń otbasym jáne jaqyndarym osy sport keshenin arnaıy sizderdiń ıgilikterińiz úshin saldy. Sizderge zor densaýlyq, amandyq jáne baq-bereke tileımin. Barshańyzdy taǵy da sport kesheniniń ashylýymen quttyqtaımyn", – dedi Nazarbaev.

Jańadan ashylǵan sport kesheninde boks, kúres jáne trenajer zaldary, júzý basseıni, tennıs korty, kópfýnksıonaldy zaldar jáne basqa da sport ınfraqurylymdary bar.

Novyı sportkompleks s vysoty ptıchego poleta pic.twitter.com/XGIxiYRqJn

— Aidos Ukibay (@Aidos_Ukibay) 20 ııýnıa 2019 g.