Jańa mınıstr: "Ánuran", "synyp" degen sózder qoldanystan alynady

Mádenıet jáne sport mınıstri Aqtoty Raıymqulova termınderdi ózgertý sharalary týraly áńgimeledi dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Mınıstrdiń aıtýynsha, halyqaralyq termınderdi qazaq tiline qaıtarý úshin termınologııalyq qorǵa monıtorıng júrgizildi. Osyǵan oraı buryn qazaq tiline aýdarylǵan 3 300-nan astam jalpyǵa birdeı qabyldanǵan termın men uǵym qaıta qaralyp bekitildi.  

"Olardyń 300-ge jýyǵy – halyqaralyq termınder. Mysaly, "murajaı" degen sóz "mýzeı" bolatyn boldy. Muraǵat – arhıv, taǵy sondaı-sondaı nárseler", – dedi Raıymqulova búgingi esep berý kezdesýinde. 

Budan bólek, azatjol – abzas, paıyz – prosent, synyp – klass, qursym – shına,  teńgerim – balans, ánuran – gımn, muqammal – ınventar, aqaý – defekt, shegendeý – demarkasııa, meıramhana – restoran, qımyl – anımasııa, al "áleýet" degen sóz "potensıal" bolyp qaıta ózgertildi.

"Búginde "Termincom.kz" saıtynyń negizinde termınologııanyń qazirgi jaǵdaıy men negizgi qaǵıdalary týraly aqparattandyrý úshin elektrondy platforma iske qosyldy", - dep atap kórsetti Raıymqulova.