«Meniń elim – Qazaqstan» atty memlekettik qyzmetshiler arasyndaǵy patrıottyq ánder festıvali

QR Memlekettik qyzmet isteri agenttiginiń Atyraý oblysy boıynsha departamentiniń bastamasymen, oblystyq Mádenıet, arhıvter jáne qujattama basqarmasynyń qoldaýymen N.Jantórın atyndaǵy oblystyq fılarmonııa zalynda «Meniń elim – Qazaqstan» atty memlekettik qyzmetshiler arasyndaǵy patrıottyq ánder festıvali ótti.
«Memlekettik qyzmetshi​ – eldiń múddesi úshin óz kúshin, ýaqytyn aıamaı eńbek etetin tulǵa. Mine, memlekettik qyzmetshilerdiń tól merekesi de jaqyndady. Osy oraıda, oblystyń memlekettik qyzmetshileri arasynda patrıottyq ánder festıvalin uıymdastyryp otyrmyz. Barlyq qatysýshylardyń jaqsy daıyndalǵany kórinip-aq tur. Olardyń arasynda eki dýet, bir trıo da bar. Jáne aıta ketetini, bul sharaǵa shalǵaı aýdandardyń memlekettik qyzmetshileride qatysyp otyr. Ári qaraıda merekelik sharalarymyz óz jalǵasyn tappaq...» - dedi óz suhbatynda Departament basshysy Toqtamys Jumaǵulov.
Atalǵan sharada barlyǵy 14 qatysýshy baq synady. Barlyq qatysýshylardyń ánderi de Otan, Týǵan​ jer, Atameken taqyryptaryna toǵysa otyryp, arnaıy mýzykalyq bilimderi bolmasa da asqan sheberlikpen ánderin shyrqap shyqty..
Festıvaldiń ádil tóreligin kórsetetin qazylar alqasyda quryldy.​ Qazylar alqasynyń sheshimimen, baıqaý qorytyndysy boıynsha Mahambet aýdandyq Mádenıet jáne tilderdi damytý bóliminiń basshysy Nurǵalı Arýev III orynmen, Atyraý oblysy ákimi apparatynan quralǵan dýet II orynmen, Atyraý oblysy Statıstıka departamenti qyzmetkerlerinen quralǵan dýet​ I orynmen marapattalsa, qalǵan qatysýshylar arnaıy dıplomdarmen marapattaldy.
Aıta ketsek, festıvalda barlyq qatysýshylar tek jandy daýysta ǵana emes, arnaıy mýzykalyq aspaptarmen de án shyrqady.