«Atyraý» fýtbol klýby Qazaqstan kýboginiń fınalyna joldama aldy

«Atyraý» fýtbol klýby Qazaqstan kýboginiń jartylaı fınalyndaǵy oıynda «Ordabasy» komandasymen teń tústi.
Atyraýdaǵy kezdesý 0: 0 esebimen aıaqtaldy. Shymkenttegi alǵashqy oıyn 1: 1 esebimen aıaqtalǵan bolatyn. Sol sebepti, jalpy esepte atyraýlyq komanda syrt alańda soǵylǵan golǵa baılanysty fınalǵa joldama aldy.
- Búgin fýtbolshylar jaqsy oıyn órnegin kórsetti. О́ńirimizdegi fýtbol qarqyndy damyp kele jatyr. Komandamyzdyń fınalǵa joldama alǵandyǵy jankúıerlerdi qýantady jáne kórermenderdiń qyzyǵýshylyǵyn arttyrýǵa septigin tıgizedi dep senemiz. «Munaıshy» stadıonyn qaıta jańartý jumystaryna at salysqan barlyq demeýshilerge alǵysymyzdy aıtamyz. Solardyń arqasynda Atyraýǵa úlken fýlbol keldi. Aldaǵy ýaqytta tek jeńis tuǵyrynan kórinýlerińizdi tileımin, - dedi oblys ákimi Nurlan Noǵaev.
Aıta keteıik, kezdesý jańartylǵan «Munaıshy» fýtbol alańynda ótti. «Munaıshy» fýtbol stadıonynyń burynǵy « tiri shóp» gazondary paıdaǵa aspaýyna baılanysty, «GAZ stroy montazh KZ» JShS –niń demeýshiligimen jasandy alań salynǵan bolatyn. Jańa alań FIFA – nyń barlyq talaptaryna sáıkes keledi. Syıymdylyǵy – 8 690 adam. Gazony jańartylǵannan keıin, stadıonnyń aýmaǵy 110 da 70 metrdi quraıdy.