Reseılik shoý-bıznes Dımashtan nege qorqady? (vıdeo)

Dımashtan reseılik shoý bıznes ókilderi qorqady dep jazady Qamshy.kz aqparat agenttigi. Bul týraly tanymal reseılik bloger málimdedi. 

"Men Mýztv premııasyn kórdim. Dımashtyń 2 ánin aýzymdy ashyp, tamsanyp tyńdadym. Qazirgi tańda búkil álem Dımash týraly biledi. Biraq men kóptegen qarapaıym adamdar sekildi mýzykalyq arnany qossam, Dımashtyń beınebaıandary kórsetilmeıdi. Nelikten? Sýpertalant, tipti mıllıondaǵan jankúıeri bar álemdegi birtýar ánshiniń beınebaıandary telearnalardan berilmeıdi. Men onyń ánin tyńdadym. Tańǵaldym. Birneshe kún buryn bolǵan Mýztv premııasynda Reseıdegi búkil ánshiler Dımashtyń ánin tyńdap, jer boldy. Olar qansha tatýırovka saldyrsa da, qalaı bılese de Dımashtyń deńgeıine jete almaıdy. Dımash deni durys kostıým kıip, jandy daýysta án aıtty. Álemdegi ańyz adamdar sekildi án aıtyp shyqty. Al qazirgi ánshiler sahnany qorlap bitti. Olar tek sheshiný arqyly halyqtyń nazaryn aýdaramyz dep oılaıdy. Áıelderi de, erkekteri de sheshinýden jarysyp júr. Sahnany jyn oınaqqa aınaldyryp, ónerdi qorlap bitti. Menińshe Mýztv premııasynda eń qarapaıymy Dımash boldy. Qarapaıym adamdar sekildi sahnaǵa shyǵyp án aıtty. Biraq qalaı óner kórsetti?! Kórermenderdiń bári demaldy, rahattandy. Biraq nege onyń hıt ánderi men beınebaıandaryn telearnalardan kórsetpeıdi? Dımashtyń fantastıkalyq beınebaıandary qaıda? Bizde kim erinbeıdi, beınebaıan túsiredi. Tańerteń tyńdasa, keshke umtylyp ketedi. Men Dımashtyń ánderin tyńdaǵym keledi, beınebaıandaryn kórgim keledi. Radıodan da Dımashtyń ánderin tyńdaı almaımyn. Esh jerde joq. Amerıkada, Qytaıda, Qazaqstanda, Anglııada bar. Reseıde joq. Nege? Halyqtyń kóbisi Dımashtyń ánderin ınternetten, Youtube-tan tyńdap júr. Sol sebepten de kórilim sany kóp. Al bizdiń telearna men radıo aqsha tyqpalaǵandardyń túkke turǵysyz ánderin jarnamalaǵandy jaqsy kóredi. Bul bassyzdyq qashanǵa deıin jalǵasady? Keıbir radıoda 20 ándi qaıtalap tyńdaýǵa týra keledi. Qashan biz daýsy joqtardy emes, talantty ánshilerdi durystap baǵalaýdy úırenemiz. Dımashty búkil álem biledi. Sondaı-aq ol ózimizdiń baýyrlas eldiń, Qazaqstannyń azamaty. Nelikten keı adamdar Dımashtyń ánderin tanymal emes deıdi. Sebebi olar úshin qol-aıaǵyn qımyldatyp, túngi klýbta bıleıtin ánder ǵana tanymal. Al Dımashtyń ánine siz bıleı almaısyz. Sebebi onyń ánin tyńdaý dárejesine jetý úshin ózińizdiń deńgeıińiz joǵary bolý kerek. Dımashtyń ánderi qazirgi shoý bıznestiń aýdıtorııasyna arnalmaǵan. Biraq men barlyq telearnalardan Dımashtyń ánin kórsetip, radıolardan Dımashtyń ánderi jiberilsin dep talap etemin. Kópshilik sheshingen qyzdardyń ánderinen, túkke turǵysyz beınebaıandardan, maǵynasyz ánderden jalyqty. Tipti halyqtyń mundaıdy kórýge eti úırenip ketti. Al bul óte qaýipti.  Halyqty jappaı saýatsyz qylǵylaryń kelmese Dımashtyń ónerin kórsetýden sharshamańyzdar. Halyq Dımashtyń ánderi arqyly tárbıelenedi, mádenıetti ári saýatty bola bastaıdy", - deıdi bloger.