• USD 378.65
  • EUR 430.07
  • RUB 6
  • CNY 55.1
21 Tamyz, 09:37:50
Alpınısterdiń naqty qaı jerde ekeni áli belgisiz

20 Maýsym, 2019

Azattyq tilshisiniń Aral jaıly fılmi jýrnalıster odaǵynyń júldesin aldy

Asylhan Mamashulyna «Saıası sholý» nomınasııasy boıynsha júlde «Aral teńiziniń qalypqa kelerine senetin avtorlyq pozısııasy úshin» berilgen.

Azattyq radıosynyń tilshisi Asylhan Mamashulynyń «Qarııa men teńiz» fılmi Qazaqstan jýrnalıster odaǵynyń júldesine ıe boldy dep jazady Qamshy.kz aqparat agenttigi QazTAG-tyń deregin negizge alyp.

QazTAG-tyń jazýynsha, Asylhan Mamashulyna «Saıası sholý» nomınasııasy boıynsha júlde «Aral teńiziniń qalypqa kelerine senetin avtorlyq pozısııasy úshin» berilgen.

Odaq júldesi 10 jýrnalıske berilgen. «Tilshi qyzmeti» nomınasııasy boıynsha júlde - Informburo.kz jýrnalısi Evgenııa Bodrovaǵa, «Ekonomıkalyq sholý» nomınasııasy - «Egemen Qazaqstan» gazetiniń Mańǵystaý oblysy boıynsha tilshisi Gúlaıym Shyntemirqyzyna, «Izdenis materıaly» júldesi – «Aq Jaıyq» tilshisi Farhat Ábilovke, «Televızııalyq jumys» nomınasııasy – «Alaý» telearnasynyń jýrnalısi Tatıana Morozǵa, «Jýrnalıstik zertteý» júldesi «Spýtnık-Qazaqstan» tilshisi Aleksandr Mıroglovǵa berilgen.

Budan bólek, «Zertteý eńbegi» júldesin - «Qazaq úni» gazeti bas redaktorynyń orynbasary Zeınolla Abajan, «Ǵylymı-tanymdyq eńbek» nomınasııasyn - «Kýrsıv» tilshisi Irına Osıpova, «Fotoeńbek» syılyǵyn – «Qostanaı jańalyqtary» gazetiniń fototilshisi Konstantın Vıshnıchenko, «Internet-joba» júldesin Vlast.kz ınternet-jýrnalynyń bas dırektory Vıacheslav Abramov alǵan.

Jýrnalıster odaǵy men «Aq Jaıyq» gazetiniń Ábdildá Muqashev atyndaǵy birlesken júldesi «Ýralskaıa nedelıa» gazetiniń bas redaktory Luqpan Ahmedııarovke berilgen. Qazaqstan qorǵanys mınıstrligi baspasóz qyzmetiniń fototilshisi Dýman Qurmanǵalıev fototilshi Rahymbaı Hanáli atyndaǵy arnaýly syılyqty alǵan.

Jýrnalısterdi marapattaý rásimi 26 maýsym kúni 11.00-de «Eýrazııa» saýda ortalyǵynyń baspasóz zalynda ótedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir