Belgııadan bastalǵan forým Qazaqstanda tarady

Byltyr 17 mamyrda qurylǵan "Jańa Qazaqstan" forýmy tarady dep jazady Qamshy.kz aqparat agenttigi. Bul týraly atalǵan forýmnyń resmı Facebook paraqshasy málimdedi. 

"Zańdy tulǵa bolmasa da «Jańa Qazaqstan» forýmy áý-bastan barlyq kózi ashyq, kókiregi oıaý azamattar men uıymdar úshin ashyq úndesý alańy bolyp tabylady. El jáne onyń bolashaǵy úshin jaýapkershilikti kóterýge, ony saıası jáne ekonomıkalyq daǵdarystardan alyp shyǵýǵa daıyn kúshterdiń Qazaqstanda bar ekenin kórsetý - bizdiń aldymyzda turǵan óte mańyzdy maqsat. О́tken jyldyń sáýir aıynda Brıýsselde Evroparlament depýtattarymen bolǵan kezdesýlerde osy turǵyda málimdeme jasalǵan edi.
Sol kezde qyzmettesterimizdiń biri Bashyr Jańaltaı Qytaıdaǵy Shyńjan etnıkalyq qazaqtaryna qarsy qýdalaý men repressııalar taqyrybyn Evroparlamenttiń minberine shyǵyp kótergen edi. 2018 jylǵy maýsymda Vashıngtonǵa sapar barysynda Forým qatysýshylary Asharshylyq máselesin AQSh Kongresinde alǵash ret kóterdi. Memlekettik departament ókilderimen kezdesken kezde olarǵa «Magnıtskıı tizimi» birinshi ret berildi. Osy tizim Jańaózen munaıshylaryn atýǵa jaýapty joǵary laýzymdy adamdardan turady. Forým boıynsha shet elderde turatyn qyzmettesterimiz sheneýnikter Qazaqstannan jymqyryp, syrtqa shyǵarǵan aqsha quraldaryn izdestirýge belsendi túrde at salysýda. Árıne osyndaı Forýmnyń qurylýyna ruqsat berýge Aqordanyń narazy ekeni aıtpasa da túsinikti. 
Forým kózdegen kóp mindetterdiń biri - ol prezıdenttik jáne parlamenttik saılaýlarǵa qatysýǵa múmkindik beretin jalpyulttyq partııa nemese qımyl uıymdastyrý boldy. Ol úshin ótken jyldyń qyrkúıek aıynda Qazaqstan óńirleriniń jartysyna jýyǵy Forýmnyń ázirlegen Saıası baǵdarlamasymen tanysty. Sonymen qatar, DAT gázeti arqyly eleýli aǵartý jumysy júrgizildi. You-tube arnasynda "Jańa Qazaqstan jaýap beredi" aıdary arqyly qoǵamnyń mańyzdy máselelerine arnalǵan kóptegen taldaý baǵdarlamalary jarııalandy.
Quqyqtyq tirkeýi joq Forým prezıdenttikke óz atynan kandıdat usynýǵa múmkindigi bolmady. Degenmen uıymdardyń biri usynyp, nemese Forýmnyń kez kelgen qatysýshysyn alǵa tartqan jaǵdaıda, oǵan qoldaý kórsetý jóninde ýaǵdalastyq boldy. Eki kandıdat Aqıqat JSDP partııasynan Ermurat Bapı jáne «Ult Taǵdyry» RQB-inen Ámirjan Qosanov alǵa tartyldy. Keıinirek Aqıqat JSDP jalpy jınalysyn ótkizip, osy saılaýǵa boıkot jarııalaý sheshimin qabyldady.
О́tken prezıdenttik saılaý jáne azamattyq qoǵam kandıdaty Ámirjan Qosanovtyń oǵan qatysýy qoǵamnyń saıasatqa degen qyzyǵýshylyǵyn aıtyrlyqtaı kóterip, jurttyń azamattyq belsendiligin oıatty.
San qıly, san qyrly adam saılaýǵa úgitshi jáne baqylaýshy retinde qatysty. Biz bıliktiń buryn-sońdy bolmaǵan shynaıy reıtingin alǵash ret ózimiz ólshep, Ortalyq saılaý komıssııasynyń resmı dereginen onyń aıtarlyqtaı tómen ekenine kóz jetkizdik. О́kinishke qaraı, saılaý ekinshi kezekpen jalǵasady dep baıqaýshylar senimidilikpen boljasa da, jappaı falsıfıkasııa oryn alyp, halyqtyń qolyndaǵy jeńis taǵy da jymqyryldy. Bizdiń kandıdat ta kúdikke toly ekzıt-poldyń kórsetkishin tez arada qabyldap, saılaý boıynsha básekelesin artyq asyǵystyqpen quttyqtady. Táýelsiz baıqaýshylar bizge bar aqparatty bergennen keıin, osy saılaýdyń legıtımdigi joqtyń qasy jáne halyqaralyq demokratııalyq standarttarǵa sáıkestigi joq dep biz málimdeımiz. Biz qazirgi parlamentti taratýǵa jáne Májiliske merzimnen buryn saılaýdy jarııalaýǵa shaqyramyz. Jańa Ata Zańdy qabyldaý jáne saıası modernızasııa elimizdiń kún tártibinde turǵan basty máseleler.
Saılaý jeńisin jymqyrǵan qazirgi basshylar bılikti beıbit ári zańdy jolmen aýystyrýǵa is júzinde múmkindik joq ekenin ashyq kórsetti. Biz kóshe mıtıngileri men kúshpen qarsylasý arqyly qoǵamdyq máselelerdi sheshýge narazymyz, biraq basqa amal joqtyń qasy. 
Sizder kútken úmittiń barlyǵy osy kúnge deıin oryndalmady dep biz qyljynamyz, sol úshin de keshirim suraımyz. Deı turǵanmen bizder atqarǵan ister men qadamnyń barlyǵy quqyqtyq alańda boldy jáne elimizdiń saıası konfıgýrasııasyn ózgertýge úmitimiz bar. Solaı bolsa da, Aqordamen jasyryn baılanys bar degen syltaýmen bizdiń atymyzǵa jalǵan aıyptaýlar kelip túsýde. Biz úshin olardy joqqa shyǵarý qıynǵa túsedi. Tarıh bárimizge óz baǵasyn berer, nátıje qorytyndysyn shyǵarar degen úmittemiz.
Qadam jasalmaı, qate bolmas. Sol sebepti de biz Forýmnyń jumysyn óz erkimizben toqtatýǵa bel býdyq. Bir bóligi saıasatqa belsendi aralasýyn toqtatsa, endi bireýler Ermurat Bapıdiń jáne partııanyń saıası keńesiniń kelisimi bolǵan jaǵdaıda Aqıqat JSDP partııasyna qosylýy ábden múmkin. 
Asharshylyq, Magnıtskıı tizimi, jymqyrylǵan aktıvter jáne basqa da mańyzdy máseleler boıynsha jumysty jalǵastyrý úshin Forým Evropada tirkeletin bolady. Al kóptegen adamdar jazyp jatqandaı jańa partııany tirkeý qazir de, aldaǵy jaqyn ýaqytta da bizdiń josparymyzda joq.
Barshańyzǵa halyq bıliginiń qalyptasýyn jáne Qazaqstanda shynaıy demokratııanyń jeńisin tileımiz", - dep jazylǵan forýmnyń resmı málimdemesinde.

Eske sala keteıik, 2018 jyldyń sáýirinde qazaqstandyq bir top belsendi Belgııa astanasy Brıýsselde "Jańa Qazaqstan" forýmyn ótkizgen. Onyń quramynda sheteldegi belsendi qazaqstandyqtar da boldy.