20 Maýsym, 2019 Ǵylym-bilim
Qazaqstannyń barlyq óńirinde ulttyq biryńǵaı testileý bastaldy dep habarlaıdy Qamshy.kz aqparat agenttigi sputniknews.kz saıtyna silteme jasap.
Bıyl UBT-ny júz myńnan astam túlek tapsyrady, olardyń memlekettik bilim grantyn jeńip alýǵa múmkindigi bar.
Elordada UBT-ny úsh JOO bazasynda tapsyrady: L.N. Gýmılev atyndaǵy Eýrazııa ulttyq ýnıversıteti, S. Seıfýllın atyndaǵy Qazaq agrotehnıkalyq ýnıversıteti jáne Qazaqstan ekonomıka, qarjy jáne halyqaralyq saýda ýnıversıteti
UBT-2019 qalaı ótip jatyr?
2019 jyly UBT 20-30 maýsym aralyǵynda 169 pýnktiniń bazasynda ótip jatyr. Testini 117 242 adam taspyrady, olardyń arasynda bıylǵy jáne byltyrǵy túlekter, kolledj bitirgender bar.
2019 jyly testileý 16-shy ret ótkizilip otyr. Osy ýaqytqa deıin UBT-ny 1 mıllıon 800 myń adam tapsyrǵan eken.
Eki beıindi pán boıynsha test tapsyrmalarynyń sany 30. Onyń ishinde 20 tapsyrmanyń bir ǵana durys jaýabyn tańdaý kerek, qalǵan on tapsyrmada bir nemese birneshe durys jaýap bolýy múmkin.
Test jınaǵynda barlyǵy 120 suraq bar. Tapsyrmalardy oryndaýǵa 3 saǵat 50 mınýt beriledi. Túlek eń joǵary degende 140 ball jınaı alady.
UBT kezindegi tártip
UBT tapsyratyn jerlerde memlekettik komıssııalar qurylǵan. Onyń quramyna quqyq qorǵaý organdary, qoǵamdyq birlestikter men buqaralyq aqparat quraldarynyń ókilderi endi.
Aýdıtorııalar uıaly baılanysty sóndirý qurylǵylary jáne vıdeokameralarmen jabdyqtalǵan.
UBT kezinde túlekterge aýdıtorııadan ruqsatsyz jáne jalǵyz shyǵýǵa, oryn aýystyrýǵa, testileý materıalyn aıyrbastaýǵa, gadjetterdi paıdalanǵa tyıym salynady.
Tártip buzylǵan jaǵdaıda testileý qorytyndysy joıylady.
Premer-mınıstr Asqar Mamın UBT kezinde túlekterdi tekserýdi durys júrgizýdi tapsyrdy.
UBT - 2019: shektik ball
Ulttyq joǵary oqý oryndaryna tapsyrýǵa qajetti shektik upaı - 65 ball. "Pedogogıka ǵylymdary", "Aýyl sharýashylyǵy jáne bıoresýrstar", "Veterınarııa" bilim salalary boıynsha 60 baldan tómen jınaýǵa bolmaıdy. Qalǵan joǵary oqý oryndaryna túsý úshin - kem degende 50 ball.
"Densaýlyq saqtaý jáne áleýmettik qamsyzdandyrý (medısına)" salasy boıynsha - 65 baldan kem emes (ár pánnen kem degende 5 baldan jınaý qajet).
Eger oqýǵa túser kezde talapkerlerdiń upaı sany birdeı bolsa, "Altyn belgi" ıegerine basymdyq beriledi.
UBT - 2019: qorytyndy qashan shyǵady?
UBT qorytyndysy testileý kúni belgili bolady. Sondaı-aq, Ulttyq testileý ortalyǵynyń resmı saıtynda jarııalanady.
Túlekter qansha ball jınaǵanyn @edugovkz_bot Telegram-boty arqyly bile alady. Ol úshin talapkerdiń jeke testileý nómirin engizse bolǵany.
UBT-da apellıasııaǵa qalaı ótinish berýge bolady?
Apellıasııaǵa ótinish UBT qorytyndysy jarııalanǵannan soń kelesi kúni saǵat 13.00-ge deıin qabyldanady. Apellıasııa komıssııasy olardy bir kúntizbelik kún ishinde qaraıdy.
О́tinish berýshi apellıasııa komıssııasynyń otyrysyna kelmese, onyń suraǵyn qarastyrmaıdy.
О́tinishti túlektiń ózi berýi tıis ári naqty pán men suraqty kórsetip, shaǵymyn negizdeýi qajet. Komıssııa otyrysyna jeke kýáligi men tetileýge qatysýǵa ruqsat qaǵazyn alyp barý kerek.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir