• USD 378.65
  • EUR 430.07
  • RUB 6
  • CNY 55.1
26 Tamyz, 05:15:41
Qoryqshylardyń materıaldyq-tehnıkalyq bazasy kúsheıtiledi

19 Maýsym, 2019 NEWS

Mınıstr turmys qurmaǵan qyzdarǵa keńes berdi

"Toqsanynshy jyldary dúnıege kelgender qazir otbasyn quratyn jasqa jetip qaldy. Biraq olardyń sany kóp emes, sondyqtan nekelesýdiń tómendeýi osymen baılanysty", - dedi Dálenov.

Boljammen bes-alty jyldan keıin Qazaqstanda neke qııatyndar sany eń joǵary shekke jetedi. Bul týraly QR Ulttyq ekonomıka mınıstri Rýslan Dálenov halyqqa esep berý kezdesýinde aıtty dep habarlaıdy Qamshy.kz aqparat agenttigi Sputnik Qazaqstan  saıtyna silteme jasap

Halyqqa esep berý kezdesýinde elordalyq turǵyn mınıstrden zamandastary arasynda shańyraq kótergender az ekenin aıtyp, "nekelesý sanynyń azaıýy eldiń ekonomıkalyq jaǵdaıymen baılanysty ma?" dep surady.

Mundaı suraqty kútpegen bolýy kerek, mınıstr Dálenov te, zalda otyrǵan qonaqtar da bir kúlip aldy.

"Ekonomıst retinde, men úshin barlyǵy ekonomıkamen baılanysty. BAQ betinde sońǵy kezde ajyrasatyndar qatary artyp barady degen másele jıi kóterilgen soń, taıaýda men statıstıkany qarap shyqtym. Bizde jyl saıyn 140 myń adam nekesin qııady eken, biraq, ókinishke qaraı, 55 myńy ajyrasady", - dedi mınıstr.

Ol qazirgi tańda jastar arasynda nekelesý sanynyń azaıýy 90-shy jyldardaǵy demografııamen baılanysty ekenin aıtty.

"Toqsanynshy jyldary dúnıege kelgender qazir otbasyn quratyn jasqa jetip qaldy. Biraq olardyń sany kóp emes, sondyqtan nekelesýdiń tómendeýi osymen baılanysty", - dedi Dálenov.

Mınıstr boljammen bes-alty jyldan keıin nekelesetinder sany 2015 jylǵy kórsetkishten asyp túsetinin jetkizdi. Osydan tórt jyl buryn elimizde 150 myń neke qıylǵan eken.

Osy oraıda Dálenov turmys qurmaǵan qyzdarǵa qyzyqty statıstıkany mysalǵa keltirdi.

"Qyzyq úshin aıtaıyn, ásirese jas qyzdarǵa qajet bolar. Eger neke qııý dınamıkasyn qarasaq, qazan aıynda otaý quratyndar kóp eken, shamamen 13,5 myń neke qıylǵan. Al eń qolaısyz mezgil – aqpan aıy, 8,5 myń neke. Mine, osyndaı qyzyq statıstıka", - dedi vedomstvo basshysy.




Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir