• USD 468.56

  • EUR 497.56

  • RUB 7.3

  • CNY 67.18

29 Naýryz, 10:33:47
Almaty
+35°

Atyraý qalasyndaǵy «Jaıyq» mádenı-sport kesheninde  qazaq halqynyń batyrlary Isataı Taımanuly men Mahambet О́temisulynyń rýhtaryna arnalǵan bokstan erler arasynda halyqaralyq týrnır bolyp ótti.

Munaıly óńirde osymen on birinshi ret ótkizilip otyrǵan bylǵary qolǵap dodasyna  bıylǵy jyly  Ázirbaıjan, О́zbekstan, Qyrǵyzstan, Tájikstan, Qazaqstan ulttyq quramalary jáne elimizdiń ózge oblystarynan 100-ge jýyq sportshy keldi. Sharshy alańdaǵy qyzyqqa ári tartysqa toly kezdesýler bes kúnge sozylyp, osy saıysqa qatysqan jerlesterimiz Sadyq Massalımov (49 kg), Oljas Baınııazov (52 kg), Raıs Nurqanat (75 kg),  jarys barysynda qarsylastarynan  ozyq shyǵyp, týrnır jeńimpazy atansa, Elaman Rahmetolla (64 kg) qola medaldi enshiledi. boks

Al ózge salamaqtarda Aıdos Arapov (Qostanaı oblysy, 56 kg), Rýstam Rýstamov  (Almaty oblysy, 60 kg), Bahadýr Ýsmanov (Tájikstan, 64 kg), Abylaıhan Júsipov (Qazaqstan quramasy, 69 kg), Ábilhan Amanqul (Qazaqstan quramasy, 81 kg), Abzal Quttybekov  (Túrkistan oblysy, 90 kg), Nurlan Saparbaı (Qazaqstan quramasy, 90+ kg) aldyna jan salmaı, altyn medal ıelendi. boks

Jarystyń saltanatty jabylýynda jıylǵandarǵa qazaqtyń qos batyrynyń  ór tulǵasyn beıneleıtin qoıylym kórsetilip, rıng tórinde Mahambettiń otty jyrlary naqyshyna keltirilip oryndaldy. Osydan soń, oblystyq dene shynyqtyrý jáne sport basqarmasynyń basshysy Rınat Ibragımov sóz alyp, barlyq qatysýshylarǵa jarys barysynda tamasha oıyn órnegin kórsetkenderi úshin alǵys aıta kele:  

-Qansha jyldar men ǵasyrlar ótse de, qazaq batyrlarynyń erligi eshqashan umytylmaıtyny anyq. Sondyqtan, barsha álemge qazaq ultyn tanytyp, nasıhattaýda bul týrnırdiń mańyzy óte zor. Biz bolashaq urpaqqa rýh berer osyndaı týrnırlerdi kóptep ótkizýdi maqsat qylyp otyrmyz, – dedi. boks

Sondaı-aq, bul týrnırge qurmetti qonaq retinde bokstan Olımpıadanyń eki dúrkin kúmis júldegeri, Álem chempıonatynda eki márte kúmis medal ıelengen Ádilbek Nııazymbetov qatysty. boks

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir