19 Maýsym, 2019 Mańǵystaý oblysy
Aqtaý qalasy hımııa-bıologııa baǵytyndaǵy Nazarbaev Zııatkerlik mektebi 57 túlekke joǵarǵy mektepti támamdaý týraly attestat tapsyrdy. Túlekter zııatkerlik mektep tarıhynda ekinshi ret ushyrylyp otyr.
Saltanatty sharaǵa Mańǵystaý oblysy ákiminiń orynbasary Rýslan Sakeev, qamqorshylar keńesiniń músheleri, ata-analar, mektep ákimshiligi jáne muǵalimder qatysty.
- Sizderdi mektep bitirýlerińizben quttyqtaımyn! О́zderińiz tańdaǵan mamandyqtyń naǵyz ıesi bolýlaryńyzǵa tilektespin. О́mir boıy bilim alýdan jalyqpańyzdar, - dedi oblys ákiminiń orynbasary Rýslan Sakeev.
Shara barysynda oblys ákiminiń orynbasary bilim ordasyn úzdik támamdap, qorytyndy jıyntyq baǵalaýdy sátti tapsyryp shyqqan Nurǵaısa Jaqsybekqyzyna «Altyn belgi» tósbelgisin taqty. Al Aıda Zınýrqyzy, Farıza Shynjyrova, Merýert Bıjanova qyzyl attestatqa ıe boldy.
Aqtaýlyq zııatkerler halyqaralyq bilim arenasyndaǵy jetekshi ýnıversıtetterdiń bilim grantyna da ıe bolyp otyr. Máselen, kóptegen respýblıkalyq pándik olımpıadalar jeńimpazy Arman Jumahan «City University of Hong Kong» joǵarǵy oqý ornyna «Data science» mamandyǵy boıynsha bilim grantyn jeńip aldy. Aıta ketý kerek, bul zaman suranysyna ıe jańa mamandyqtardyń biri. 12 «S» synybynyń túlegi Alýa Kanaeva Gong-Kong polıtehnıkalyq ýnıversıtetiniń bilim grantyna ıe boldy. Al qyzyl attestatqa alǵan Farıza Shynjyrova Nazarbaev Ýnıversıtetinde tegin oqýǵa shaqyrtý aldy.
Saltanatty sharada mektep ustazdary da sóz alyp, júrekjardy lebizderin bildirdi.
- Zııatkerlik mekteptiń túlekteri joǵary kórsetkishterdi kórsetip otyr. Mysaly, IELTS halyqaralyq emtıhanynyń nátıjesi boıynsha,barlyq túlektiń aǵylshyn tilin meńgerý deńgeıiniń ortasha baly 6,3. Kóptegen túlekter elimizdegi joǵary oqý oryndaryn tańdap otyr, - deıdi kásibı baǵdar berý boıynsha keńesshisi Saýle Aldabergenova.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir