27 mıllıon teńge, “Mercedes Gelandewagen”, 10 sotyq jer: kásipkerdi bopsalaǵan top ustaldy

QR Ulttyq qaýipsizdik komıteti 2019 jylǵy 17 maýsymda qylmystyq toptyń jolyn kesti dep habarlaıdy Qamshy.kz aqparat agenttigi vedomstvanyń saıtyna silteme jasap. 

Nur-Sultan qalasynda «M» degen kásipkerinen 27 mıllıon teńge, Aqmola oblysynyń Býrabaı kentindegi aýmaǵy 10 sotyq jer telimin jáne “Mercedes Gelandewagen” markaly avtomashınany qorqytyp almaqshy bolǵan zańǵa qaıshy áreketiniń jolyn kesti. 

“Qylmys jasaý kezinde qylmystyq top músheleri sýyq qarýdy jáne syrt keskini jaýyngerlikke uqsas atys qarýynyń nobaılaryn qoldanyp, «M»-nyń jáne onyń otbasy músheleriniń ómiri men densaýlyǵyna qaýip tóndirdi”, - delingen habarlamada.