• USD 468.56

  • EUR 497.56

  • RUB 7.3

  • CNY 67.18

28 Naýryz, 21:03:58
Almaty
+35°

19 Maýsym, 2019 Tálim men tárbıe

Kaıdzen – jetistikke jetýdiń eń tıimdi joly

О́zińizge kóńilińiz tolmaı jatsa, ózińizdi sókpeńiz, júıeńizdi durystaýdy oılańyz. Al eń durys júıe - japondyq júıe kaıdzen

Kaıdzen júıesin oılap tapqan japon halqy  bul júıeni "kishkentaı qadamdar arqyly úzdiksiz damyp, úlken jetistikterge jetý" dep túsindiredi. "1000 mıldik jol birinshi qadamnan bastalady" dep Lao Szy aıtpaqshy sol birinshi qadamdy jasamaǵandyqtan kóp isińizdiń toqtap turýy bek múmkin.

Kaıdzen júıesi bilgirleriniń aıtýynsha, kishkentaı qadamǵa nemquraıly qarmaý kerek. О́ıtkeni, bári sol kishkentaı qadamnan bastalady. Sondyqtan, úlken armanǵa jetkińiz kelse, kishkentaı qamnan bastaǵanyńyz abzalyraq.

Kaıdzen qaǵıdalaryn tájirıbede qoldanyp júrgen Danııar Jigitbek: "Kaıdzende "qundylyq", "paıdaly áreket" jáne "ysyrap" degen uǵymdar bar. Qundylyq tek paıdaly áreketpen keledi. Qalǵany - ysyrap. Negizgi maqsat: ysyrapty barynsha azaıtyp, tek paıdaly áreketti ǵana isteý" deıdi.

Ysyrapty azaıtý úshin  maman mynadaı qarapaıym mysaldar keltiredi.

"Siz bólmeńizde kitap oqyp otyrsyz. Kenet sý ishkińiz keldi. Shólińizdiń qandyrý - siz úshin "qundylyq". Endi sol qundylyqqa jetkizetin áreketter tizbegin jazyp shyǵaıyq.

1. As úıge barasyz.
2. Shkafty ashasyz.
3. Sý ishetin staqanyńyzdy izdeısiz.
4. Staqandy alasyz.
5. Dıspenserge barasyz.
6. Qajetti mólsherde sý quıyp alasyz.
7. Sý ishesiz.

Joǵarydaǵy 7 árekettiń sońǵysy ǵana paıdaly, ıaǵnı sizge qajet qundylyqqa jetkizedi. Qalǵany - ysyrap. Bul áreketterdi kúnine bir emes, birneshe ret qaıtalaýyńyz da múmkin ǵoı. Kaıdzen boıynsha, paıdaly áreketti ǵana qaldyryp, ysyrapty azaıtýdyń jolyn oılaý kerek. Sheshim: bótelkege sý quıyp ap, bólmeńizge birge ala barý. Onyń ózi qaqpaǵyn ashýdy qajet etpeıtin tútiksheli bótelke bolsa, tipti keremet. Shóldegende birden ishe qoıasyz.

Taǵy bir mysal. Men jumysqa kıip baratyn kıimderdi aldyn ala daıyndap qoıamyn. Kózge kórinetin jerde bári jınaqy bop turady. Tańerteń oılanbaı kıem de kete berem. Keshke úıge kelgende tazalyǵyn bir tekserip, qaıtadan sol jerge ilip qoıamyn. Paıdaly áreket: kıimdi kııý. Qalǵany - ysyrap", – deıdi Danııar Jigitbek.

Kaıdzen jaıly japondyq maman Masaakı Imaı "óndiristiń ónimdiligi 95% júıege (sıstema) jáne 5% adamǵa baılanysty" degen. Iаǵnı, júıe durys bolsa, adamdar da durys áreket etedi. Sondyqtan ózińizge kóńilińiz tolmaı jatsa, ózińizdi sókpeńiz, júıeńizdi durystaýdy oılańyz. Al eń durys júıe - japondyq júıe kaıdzen. Bul dáleldengen...

Oqı otyryńyz: 

♦ Kaıdzen ádisi: bala tárbıesindegi jetistikke jeteleıtin jetilik

Qyzmetkerin jumystan qýmaıtyn japondyq júıe — kaıdzen

Qumar Musaev: Kaıdzendi Qazaqstanǵa alyp kelgen Marǵulan Seısembaı

Ǵanı Baıǵalıuly: Kaıdzen - Islam dini sııaqty júıe

Nurǵalı Qanatuly: Biz qazaqqa kaıdzenniń jat emes ekenin dáleldedik

Jeldetkish zaýytyndaǵy kaıdzen júıesi: bonýs beretin berekeli bıznes

Kaıdzen ortalyǵyna kirdiń – ǵajaıypqa sapar shektiń

♦ Kaıdzenniń 6 qaǵıdasy. Japondar ómirin qalaı jeńildetti?

Kaıdzen jáne mendjment




"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir