• USD 468.56

  • EUR 497.56

  • RUB 7.3

  • CNY 67.18

28 Naýryz, 13:44:06
Almaty
+35°

19 Maýsym, 2019 NEWS

Týǵan anasynan zábir kórgen "Maýglı" qyz (vıdeo)

Murny synyp, aıaq saýsaqtary búgilmeı qalǵan «Maýglı» qyzdy eriktiler ólimnen arashalap qalǵan

Murny synyp, aıaq saýsaqtary búgilmeı qalǵan «Maýglı» qyzdy eriktiler ólimnen arashalap qaldy dep jazady Qamshy.kz aqparat agenttigi Evrazııa arnasyna silteme jasaı otyryp.

Qaraǵandylyq erli-zaıypty tórt jasar búldirshindi kúni-túni uryp, ózderinen qalǵan jýyndymen tamaqtandyrǵan. О́lshemi kishi aıaq kıimnen saýsaqtary búgilip, múlde jazylmaı qalǵan.

Araqqa salynǵan anasy men birge turatyn er adamnan ábden qorlyq kórgen búldirshin eriktilerge jalynyp, ózin úıge qaıtarmaýyn suraǵan. Balany basynyp, bas-aıaǵynan saý jer qaldyrmaǵan erli-zaıyptylar eriktilerdiń «qyzdaryńyz qaıda» degen suraǵyna selqostyq tanytyp, esh selk etpegen. О́ıtkeni ekeýi de ýdaı mas.

«Biz ekinshi kún qatarynan kelip, ata-anasymen tildesip júrmiz, biraq olar jaýap bergenderin mindetsinip otyr»,- deıdi eriktiler.

О́z otbasy ózeginen tepken qyz bala úıinde «Maýglı» sekildi ómir súrgen. Qatty sellofannyń ústinde uıyqtap, úlkenderden qalǵan jýyndyny iship-jegen. Ishi las, sasyq ıis múńkigen baspanada turyp jatqan búldirshin týraly eriktilerge kýágerlerdiń biri habarlaǵan eken. Balany kórgen olar, balany birden alyp ketipti.

«Anasy Natashaǵa baryp, «balany nege urasyńdar» dep suraǵanmyn. Ol qyzynyń qan qysymy bar ekenin aıtyp, aqtaldy. Búldirshinniń aıaq kıimi kishi ólshemde bolǵandyqtan, aıaq saýsaqtary búgilip qalǵan. Shashyn taraǵan kezde basym aýrady dep jylady. Tamaǵy isip ketken. Tili ábden tistelgen. Murny synǵandyqtan, uıyqtaǵanda aýzymen demalady. Biz bul jaıttardyń barlyǵyn polısııaǵa habarladyq. Barlyǵy zań júzinde iske asyryldy.»,- deıdi Vıktorııa esimdi erikti.

Al turmysy tómen otbasynyń kórshileri bolǵan jaıttan beıhabar. Qorlyq kórgen qyzdy da, onyń anasyn da kórmeımiz deıdi. Olardyń aıtýynsha, olar úıinen shyqpaıdy-mys.

Búldirshin balabaqshaǵa barmaıdy. Erli-zaıyptylar budan buryn qylmys jasap, jaýyzdyq kórsetý deregimen kózge túspegen. Qaraǵandy qalasynyń bilim bólimindegiler bul jaıtty estı sala, qyz balanyń otbasy múshelerimen sóılesip, istiń aq-qarasyn anyqtap jatqanyn aıtty.

Qalalyq bilim bólimi qorǵanshylyq jáne qamqorshylyq sektorynyń meńgerýshisi Ásem Erıshova:

«Qazir men jibergen arnaıy maman atalǵan otbasynyń úıinde. Qyzdyń anasy jaıtqa qatysty túsinikteme jazyp berdi. Al polısııa departamentindegiler bul otbasy músheleriniń buryn isti bolmaǵanyn aıtty. Balany biz Temirtaý qalasynyń kámelet jasyna tolmaǵandarǵa arnalǵan ortalyǵyna jiberemiz. Onda oǵan psıhologııalyq kómek kórsetiledi. Anasyna ákimshilik jaza qarastyrylatyn bolady.»,- deıdi.

Balasyna qorlyq kórsetken áıel analyq quqyǵynan aıyryla ma, joq pa, ol jaǵy ázirge belgisiz. Mamandar qazir otbasynyń áleýmettik jańdaıyn anyqtap, qyzdyń naqty kimnen jáne qashan zábir kórgenin dáleldemek.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir