"Meniń daýysym urlandy": Qolyna plakat ustap shyqqan stýdentti polısııa qamaýǵa aldy (Vıdeo)

Qolyna plakat ustap shyqqan qostanaılyq stýdentti polısııa úsh saǵat qamaýda ustady dep habarlaıdy Qamshy.kz aqparat agenttigi "Nasha gazeta" saıtyna silteme jasap. 

Qostanaı qalasynda 17 maýsym kúni oblystyq ákimdik ǵımaraty mańynda “Meniń daýysym urlandy” degen plakatpen stýdent pıket ótkizgen. Mádı Ábdirahmanov saılaý nátıjesiniń burmalanǵanyn aıtyp, jazýy bar plakatpen alańǵa shyqqan. ol alańda eki saǵat turýdy josparlaǵan. 

Alaıda, bes mınýttan soń polısııa qyzmetkerleri kelip, birneshe suraq qoıyp, stýdentti qalalyq bólimshege ustap áketti. Sondaı-aq, plakatta maýsym aıynyń basynda qurylǵan #Oyan,Qazaqstan jastar qozǵalysynyń aty jazylǵan heshteg te bolǵan. Ol elde parlamenttik respýblıka quryp, demokratııalandyrý úrdisin jalǵastyrýdy kózdeıtin jastar qozǵalysyn qoldaıtynyn bildirdi.

Mádı ótken túnde Atyraýdan kelgen. Ol sol jerde baıqaýshy bolǵanyn aıtqan. 

"Men poezde kele jatyp, búgin pıketke shyǵamyn degen oıda boldym. Ýnıversıtettegi tanystarym men dostarym bul oıdan bas tartýymdy surady. Olar jaǵdaıdy ózgerte alatyndaryna senbeıdi. О́ıtkeni olardyń barlyǵy Qosanovqa daýys berdi", - dep málimdedi Mádı Abdrahmanov.  

 

«Úsh saǵatqa jetpeı bosatty. Sondyqtan hattama toltyrmaı, jibere saldy. Ne úshin, qalaı, qandaı maqsatpen shyqqanymdy surady. Pıket tynysh ótti. Eshkimdi oqýdan shyǵarǵan joq, qyzmetten ketirgen joq», - dep aıtty Mádı.

"Endigári halyqty osyndaı sırkpen aldaı almaısyń», - dep stýdent bıliktiń nazaryn aýdartý úshin osynda kelgenin aıtady. 

Mádı bıliktegilerdiń qysymynan qoryqpaıtynyn jáne ákimshilik qamaýda otyrýǵa daıyn ekenin, aıyppul tóleýden de qashpaıtynyn málimdedi.