Atyraýlyq sportshylar jeńispen oraldy

Shýchınsk qalasynda ótken basketboldan erler arasynda Qazaqstan Respýblıkasynyń V jazǵy Spartakıada oıyndary ótken bolatyn. Tórt jylda bir ret ótetin bul saıysta oblys quramasy qola júldege ıe boldy. Sondaı-aq, 2004-2005 jylǵy jasóspirimder arasynda Qazaqstan chempıonatynda sportshylarymyz qola júldeger atandy.
Qostanaı qalasynda ótken mýaı-taıdan erler men áıelder arasynda Qazaqstan Respýblıkasynyń chempıonaty ótip, onda jerlesterimiz 4 altyn, 1 kúmis jáne 5 qola medaldi qanjyǵalaryna baılap, jalpy komandalyq esepte ekinshi orynǵa ıe boldy.
Al, Petropavl qalasynda ótken О́rt sóndirý-qutqarý sporty boıynsha federasııa Kýboginde Atyraý oblysy qurama komandasy jalpy komandalyq esepte ekinshi orynǵa qol jetkizdi.
Atyraý oblysy ákimi Nurlan Noǵaev barsha sportshylardy jeńisterimen quttyqtap, aldaǵy jarystarǵa sáttilik tiledi.
Sonymen qatar, búgin oblys ákimi Taraz jáne Petropavl qalalaryndaǵy Nazarbaev Zııatkerlik mektebinen kelgen 24 oqýshyny kútip aldy. Oqýshylar bir aptanyń ishinde oblysymyzdaǵy tarıhı jerler men nysandardy aralap, tanysatyn bolady.