Mamandar dabyl qaǵady: "Mıkrotolqyndy pesh uıaly telefonnan da qaýipti!"

Tájirıbe jasaǵan olar Ońtústik Koreıada óndirilgen tehnıkalardyń sáýlelendirý deńgeıi shekten tys joǵary bolǵanyn anyqtaǵan dep habarlaıdy Qamshy.kz aqparat agenttigi Eýrazııa birinshi arnasyna silteme jasap.

Ol tek astyń qunaryn qurtyp qana qoımaı, quramyn da ózgertetin kórinedi. Sondyqtan, mamandar mıkrotolqyndy peshten barynsha aýlaq bolýǵa keńes beredi. Peshtiń bul túri qandaı dertterge ákep soqtyrýy múmkin.
 
Japonııa 2020 jyldyń sońyna deıin mıkrotolqyndy peshten tolyq bas tartpaq. Sebebi, asyqqanda asty tez jylytatyn, qajet deseńiz shuǵyl taǵam ázirleýge bolatyn mıkrotolqyndy pesh adam aǵzasyna orasan zor qaýip tóndiredi eken. Alaıda, muny buqaranyń biri bilse, ekinshisi múlde beıhabar. 

Japondardyń jarǵaq qulaqtarynyń jastyqqa tımeı zar qaǵýyna sebep bar ma? Osyny bilmek bolyp Qoǵamdyq densaýlyq saqtaý departamentine júgingen. Mıkrotolqyndy peshterdi teksergen mamandardyń sózinshe, bul tehnıka 10 santımetr qashyqtyqta 10 mıkrovatt/ sm kvadrattan artyq sáýlelendirýmeýi tıis. Alaıda, keıbir pesh túrleri  61,3 mıkrovatt/sm kvadrat sáýle shyǵaratyny belgili boldy. 

"Tájirıbe jasaý ýaqytynda ártúrli markaly 13 mıkrotolqyndy peshti qoldandyq. Olardan arnaıy ólshemder alyndy. Tekseris kezinde Ońtústik Koreıada óndirilgen osy tehnıka túriniń sáýlelendirý dıapazony shekti normadan 1,5-4 esege deıin artyq ekeni anyqtaldy. Al,10 jáne 50 santımetr qashyqtyqta sáýlelendirý mólsheri 10 mkVt/sm kvadratqa jetpeıtin Eýropa men Reseıde jasalǵan mıkrotolqyndy peshter áldeqaıda qaýipsiz ekenine kóz jetkizdik", - deıdi Qalalyq Densaýlyq saqtaý departamentiniń jetekshisi Sádýaqas Baıǵabýlov. 

Mıkrotolqyndy peshten shyǵatyn sáýleli tolqyndar júrek, júıke jáne endokrındik júıeni zaqymdaıdy. Aǵzadaǵy saý jasýshalardy sáýlelendirip, qaterli isikke shaldyqtyrýy múmkin deıdi salalyqtar. Alaıda, saýda ortalyqtarynda bul taýar túri tolassyz satylyp jatyr. Baǵasy 12 myńnan bastalatyn tehnıkaǵa suranys jyl saıyn joǵary-deıdi satýshylar.
 
Nusqaýlyǵy bolsa da, peshten keletin qaýip qapshyǵynda kórsetilmeıdi eken. Pesh turmaq, shylymnyń syrtynda zııandylyq deńgeıi kórsetiledi. Sondyqtan, mamandardyń "saqtyqta qorlyq joq" degen pikirde.

Satýshylardyń sózinshe, mıkrotolqyndy peshti nusqaýlyq boıynsha 5 jastaǵy balalarǵa qoldanýǵa ruqsat etilgen. Alaıda, mamandar búldirshin turmaq, eresekterge onyń janynda turýǵa bolmaıtynyn aıtady. Sondyqtan, eń qolaılysy elektrlik nemese gaz peshti qoldanǵan ońaı deıdi olar.