• USD 378.65
  • EUR 430.07
  • RUB 6
  • CNY 55.1
26 Tamyz, 05:25:48
Qoryqshylardyń materıaldyq-tehnıkalyq bazasy kúsheıtiledi

18 Maýsym, 2019 Shyǵys Qazaqstan oblysy

Aqsýattaǵy aıtystyń bas júldesi kimge buıyrdy?

Jurttyń kókeıindegi oıyn dóp basyp aıtyp, eldiń birligin, yntymaqty tirligin jyrlaǵan aqyndar tyńdarmannyń zor qoshemetine ıe boldy

Aqsýat aýylynda dástúrli halyqaralyq aıtys ótti. Jyl saıyn jyrsúıer qaýymdy qazaqtyń tól ónerimen sýsyndatyp kele jatqan shaıyrlar bul joly da aıanap qalmady dep jazady Qamshy.kz aqparat agenttigi.

Jurttyń kókeıindegi oıyn dóp basyp aıtyp, eldiń birligin, yntymaqty tirligin jyrlaǵan aqyndar tyńdarmannyń zor qoshemetine ıe boldy.

Aıtystyń júrgizýshisi – baıaǵy Júrsin Erman. Qazylar alqasynyń quramynda óleńnen óz enshilerin alǵan Qazaqstan Jazýshylar odaǵynyń tóraǵasy Ulyqbek Esdáýlet, Serik Qalıev, Dáýletkereı Kápuly, Baýyrjan Qalıolla syndy belgili aqyndar men ánshi, sazger Altynbek Qorazbaev boldy.

Halyqaralyq dep at aıtyp turǵandaı, bul aıtysqa Qazaqstannan bólek Qyrǵyzstan, Mońǵolııa, Qytaı sekildi kórshi memleketterden qandas, baýyrlas aqyndarymyz kelip qatysty. Sóz barymtasyna túsken úmitkerler alty jup qurady. Osylardyń ishinen úzdik shyqqan alty aqynǵa kelesi aınalymnyń joldamasy buıyrdy.

Sonymen Tarbaǵataı aýdanynyń ortalyǵy Aqsýattaǵy aıtystyń bas júldesine tigilgen eki mıllıon teńge aqshalaı syılyqty Qytaıdan kelgen aqyn baýyrymyz Erlan Amanqojauly oljalady. Birinshi oryndy Tarazdan kelgen talantty aqyn Qanat Myrzahan ıelense, ekinshi oryn batystyń aqyn qyzy Jansaıa Mýsınaǵa, al úshinshi oryn Aqsýattyń týmasy Rústem Qaıyrtaıulyna buıyrdy. Dástúrli jyr básekesiniń arnaıy stıpendııasy Baıanaýyldan kelgen Aspanbek Shuǵataevqa berildi. Osy aıtystyń demeýshisi endi Aspanbekke jyl boıy 200 myń teńge kóleminde shákirtaqy tólep otyrady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir