• USD 378.65
  • EUR 430.07
  • RUB 6
  • CNY 55.1
26 Tamyz, 14:47:54
Nyǵmatýlın Parlamenttiń qos palatasyn birlesken otyrysqa shaqyrdy

18 Maýsym, 2019

«Mádenıetti» mınıstr ketkenimen...

Mundaı adam bolashaqta áli talaı soraqylyqty kórsetedi degen edi. Rasynda solaı boldy.

Álemge, óz eline keleńsiz jaǵdaılarmen tanylǵan Mádenıet mınıstri Qazaqstan tarıhynda ǵana bolǵan shyǵar. Esterińizde me, Ilıa Ilın tórtinshi márte álem birinshiliginiń altynyn qanjyǵasyna bókterip, Ánuranymyz oınalyp jatqanda Arystanbek Muhamedıuly Tolaǵaı ulymyzǵa uıaly telefondy tyqpalaı bergeni. Sol kezde kópshilik BAQ betinde, áleýmettik jelilerde Memlekettik rámizge qurmetsizdik tanytqan óresi tar sheneýnikti jaýapqa tartý kerek dep jarysa jazǵan. Biraq, ol zań sheńberinde jazalanbady. Al mınıstrdiń ózi miz baqpady. Mundaı adam bolashaqta áli talaı soraqylyqty kórsetedi degen edi. Rasynda solaı boldy.

Mádenıet mınıstrligi respýblıkalyq, halyqaralyq dep aıdar taǵylǵan konsertter ótkizýden, durysy asabalyq qyzmetten ary aspady. "Rýhanı jańǵyrý", tarıhı-mádenı, óner baǵytynda súbeli jumystaryn kóre almady. Kerisinshe, bildeı "mádenıetti" mınıstrdiń aty stýdent qyzdarǵa yńǵaısyz usynys jasaıtyndyǵy, "Qazaqfılmdegi» bir basqosýda óziniń daýsyna uqsas adamnyń aqshany qalaı "jymqyrý" kerektigi týraly aıtqany sekildi jurttyń jaǵasyn ustatqan qaýeset-daýlarmen shyǵyp jatty. Al 2018 jyldyń kúzinde merdiger mekeme ókilinen para alǵan Mádenıet mınıstrliginiń laýazymdy sheneýnikteri jumysynan shettetildi. Anaý-mynaý emes, Arekeńniń birge tize qosyp jumys istep júrgen senimdi adamdary - jaýapty hatshy men departament dırektory. Qaramaǵyndaǵy qyzmetkerler jemqorlyqpen aıyptalsa da mınıstr otstavkaǵa ketpedi.

Al bıyl, ıaǵnı búgin onyń qyzmetinen bosatylǵanyna kóbisi qýanǵanymen, artynsha lezde olardyń kóńili sý sepkendeı basyldy. Muhamedıulynyń 2014 jyly mınıstrlikke alyp kelip, tárbıelegen kadry Aqtoty Raıymqulova MS mınıstri atanyp shyǵa keldi. Onyń sońǵy qyzmeti vıse-mınıstr bolypty. Bir sózben aıtqanda, bylyqqa batqan salanyń jumysyna kózi úırengen adamdy óz ornyna qaldyrdy. Halyq muny kórip otyr. Qosylǵyshtardyń ornyn aýystyrǵanmen qosyndysy ózgermeıtinin jaqsy biledi.

Buǵan qosa... Qurmetti Qasym-Jomart Kemeluly, Siz qyzmetke jastardy ákeletinińizdi aıtqan edińiz. Biraq myna taǵaıyndaýdan ózgeris baıqalmaıdy. О́ıtkeni, Arystanbek Muhamedıuly 1963 jylǵy bolsa, Aqtoty Raıymqulova 1964 jyly týǵan. Prezıdent myrza, elimizdiń mádenıet salasyn basqarýǵa laıyq, jańashyl, isker jastar kóp emes pe? Olardyń baǵyn nege baılaımyz? Áriberiden soń mádenıet mınıstirligin mýzykanttar ǵana basqarsyn degen qaǵıda joq qoı. Mádenıet tek mýzykadan turmaıtyny taǵy belgili. Sondyqtan, ultjandy, patrıot, el aldynda jaýapkershilikti sezinetin jastar osy salaǵa da aýadaı qajet.

 

Seıilhan Álnazarov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir