• USD 378.65
  • EUR 430.07
  • RUB 6
  • CNY 55.1
25 Tamyz, 07:30:54
Qoryqshylardyń materıaldyq-tehnıkalyq bazasy kúsheıtiledi

18 Maýsym, 2019 Shyǵys Qazaqstan oblysy

Aqsýattyń aty 140 shaqyrymdy segiz saǵatta baǵyndyrdy

Shyǵys Qazaqstanda bıyl osymen ekinshi ret júz shaqyrymnan artyq qashyqtyqqa belgilengen alaman ótti

Shyǵys Qazaqstanda bıyl osymen ekinshi ret júz shaqyrymnan artyq qashyqtyqqa belgilengen alaman ótti. Aǵymdaǵy naýryzdyń basynda Zaısan aýdanynda bolǵan 130 shaqyrymdyq báıgeniń dúbiri basylmaı jatyp minekı Tarbaǵataı topyraǵynda 140 shaqyrymǵa sozylǵan alaman uıymdastyryldy. Bul týraly Qamshy.kz aqparat agenttigi habarlaıdy.

Qazaqtyń qazanattaryn synǵa salǵan dúbirli jarys eń áýeli «Rýhanı jańǵyrý» baǵdarlamasynan bastaý alǵan «Tuǵyry bıik Tarbaǵataı» festıvali aıasynda «Uly dala qazanaty» degen atpen Barqytbel baýyrynda ótkenin aıta keteıik. Bul alamanǵa berisi elimizdiń túkpir-túkpirinen, arysy kórshi Reseıden júldeden dámeli qylquıryqtar jınaldy. Áýelde attardyń qatary júzge tarta edi, biraq jarys jolyna 88 úmitker shyqty. Maýsymnyń 16-sy kúni tań qylań bere atqumar aǵaıyn Kókpekti aýdanynan shabondozdardy shyǵaryp salyp, Tarbaǵataı aýdanynyń ortalyǵy Aqsýatqa qaraı bet túzegen-di. Shabandozdarmen birge jarystyń tóreshileri men baqylaýshylary da kólikke minip qatar erip otyrdy. Qatysýshylar úshin ár otyz shaqyrym saıyn tigilgen kıiz úıge tizgin tartyp, sál tynystap, shól basyp alýǵa múmkindik jasaldy.

Sóıtip tańǵy saǵat 4:00-de «Iá sát!» dep jarysqa shyqqan júırikterdiń aldy araǵa segiz saǵattan astam ýaqyt jumsap márege taıady. Kópten qara úzip kele jatqan ekeýdiń aldyńǵysy Aqsýat aýylynyń turǵyny Almas Ámirǵalıevtiń kúreń qasqasy edi. Márege birinshi bolyp sol jetti. Onyń izin ala katonqaraǵaılyq Qýanysh Tursynbekovtiń kúreńi keldi. Úzdik úshtikti taǵy bir Katonqaraǵaı aýdanynyń tulpary túıindedi. Aıtpaqshy, ekinshi kelgen kúreń at Zaısandaǵy 130 shaqyrymdyq alamanda da kúmis júldeger atanǵan. Sóıtip, uıymdastyrýshylardyń uıǵarymy boıynsha báıgege tigilgen eki temir tulpardyń kilti alamannyń aldyn bermegen qos kúreńniń ıesine tabystaldy. Máre syzyǵyn kesip ótken qalǵan 13 attyń ıesi de syı-sııapattan qur qol qalǵan joq.

– Mundaı uzaq qashyqtyqtaǵy alaman attarǵa da, shabandozdarǵa da ońaıǵa soqqan joq. Jolda biraz qıyndyqtar boldy. Soǵan qaramastan astymdaǵy atym myqtylyǵyn kórsetip, márege birinshi jetti. Árıne, men báıge kezinde atymnyń júrisin, jalpy jaǵdaıyn baqylap otyrdym. Sonyń arqasynda jeńim atandym, - deıdi 140 shaqyrymdyq alamanda aldyna qara salmaǵan kúreń qasqanyń shabandozy Rýslan Shaıyrǵazın.

Aıta keteıik, «Tuǵyry bıik Tarbaǵataı» atty festıval aıasynda ótken 140 shaqyrymdyq alamannan bólek, Aqsýattyń atshabarynda taı jarysy, jorǵa jarys, 25 shaqyrymdyq báıge uıymdastyryldy. Bul jarystardyń jeńimpazdary men júldegerleri de baǵaly syılyqtarǵa ıe boldy. Jalpy Tarbaǵataıdaǵy at jarystaryna tórt birdeı temir tulpar tigildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir