• USD 378.65
  • EUR 430.07
  • RUB 6
  • CNY 55.1
21 Tamyz, 09:34:40
Alpınısterdiń naqty qaı jerde ekeni áli belgisiz

17 Maýsym, 2019 Saıasat

Toqaev jańa eki mınıstrlik qurdy

Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly jarlyq shyǵardy

Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly jarlyq shyǵardy. Bul týraly Qamshy.kz aqparat agenttigi Aqordaǵa silteme jasap habarlaıdy. 

Qazaqstan  Respýblıkasy  Konstıtýsııasynyń 44-babynyń 3) tarmaqshasyna sáıkes memlekettik  basqarý júıesin jańǵyrtý jáne  tıimdiligin arttyrý maqsatynda qaýly etemin: 

  1. Mynalar:

1) Qazaqstan Respýblıkasynyń Saýda jáne ıntegrasııa mınıstrligi: 

Qazaqstan Respýblıkasy Ulttyq ekonomıka mınıstrliginiń ishki jáne syrtqy saýda saıasatyn qalyptastyrý jáne iske asyrý, halyqaralyq ekonomıkalyq ıntegrasııa, tutynýshylardyń quqyqtaryn qorǵaý salasyndaǵy; 

Qazaqstan Respýblıkasy Indýstrııa jáne ınfraqurylymdyq damý mınıstrliginiń tehnıkalyq retteý, standarttaý jáne ólshem birligin qamtamasyz etý salasyndaǵy; 

Qazaqstan Respýblıkasy Syrtqy ister mınıstrliginiń eksportty ilgeriletý salasyndaǵy qyzmetti úılestirý jónindegi fýnksııalary men ókilettikteri berile otyryp; 

2) Qazaqstan Respýblıkasynyń Ekologııa, geologııa jáne tabıǵı resýrstar mınıstrligi: 

Qazaqstan Respýblıkasy Energetıka mınıstrliginiń qorshaǵan ortany qorǵaýdyń, turmystyq qatty qaldyqtarmen jumys isteýdiń memlekettik saıasatyn qalyptastyrý jáne iske asyrý, tabıǵı resýrstardy qorǵaý, olardy utymdy paıdalanýdy baqylaý jáne qadaǵalaý salasyndaǵy; 

Qazaqstan Respýblıkasy Aýyl sharýashylyǵy mınıstrliginiń sý qoryn paıdalaný jáne qorǵaý, sýmen jabdyqtaý, sý burý, orman sharýashylyǵy salasyndaǵy; 

Qazaqstan Respýblıkasy Indýstrııa jáne ınfraqurylymdyq damý mınıstrliginiń memlekettik geologııalyq zertteý, mıneraldyq-shıkizat bazasyn molaıtý salasyndaǵy fýnksııalary men ókilettikteri berile otyryp qurylsyn. 

  1. Qazaqstan Respýblıkasynyń Úkimeti:

1) Qazaqstan Respýblıkasy  Prezıdentiniń Ákimshiligimen kelisim boıynsha memlekettik organdardyń jáne olarǵa vedomstvolyq baǵynysty uıymdardyń shtat sanyn qaıta bólýdi; 

2) osy Jarlyqty iske asyrý boıynsha ózge de sharalar qabyldaýdy qamtamasyz etsin. 

  1. Qazaqstan Respýblıkasynyń Saýda jáne ıntegrasııa mınıstrligi men Qazaqstan Respýblıkasy Ekologııa, geologııa jáne tabıǵı resýrstar mınıstrligi Ulttyq ekonomıka, Syrtqy ister, Energetıka, Aýyl sharýashylyǵy, Indýstrııa jáne ınfraqurylymdyq damý mınıstrlikteriniń beriletin fýnksııalary men ókilettikteri sheginde quqyqtary men mindettemeleriniń quqyq mırasqory bolyp aıqyndalsyn. 
  2. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna mynadaı tolyqtyrýlar engizilsin:

1-tarmaq mynadaı mazmundaǵy joldarmen tolyqtyrylsyn: 

«Qazaqstan Respýblıkasynyń Saýda jáne ıntegrasııa mınıstrligi; 

Qazaqstan Respýblıkasynyń Ekologııa, geologııa jáne tabıǵı resýrstar mınıstrligi». 

  1. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
  2. Osy Jarlyq qol qoıylǵan kúninen bastap qoldanysqa engiziledi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir