• USD 378.65
  • EUR 430.07
  • RUB 6
  • CNY 55.1
26 Tamyz, 16:02:20
Nyǵmatýlın Parlamenttiń qos palatasyn birlesken otyrysqa shaqyrdy

17 Maýsym, 2019 Saıasat

Arystanbektiń sońǵy sózi: Eshkimmen qoshtaspaımyn!

Meni ujymǵa tanystyrǵan kún áli esimde, shyǵarmashyl, aqyldy, kózderinde ot bar mamandar birtindep ashyla bastaǵany da esimde. Osy jyldar ishinde Mınıstrliktiń ár qyzmetkerimen jaqyn dos bolyp kettik. Komandamyzben birlese talaı jumys atqardyq.

Qazaqstannyń burynǵy Mádenıet jáne sport mınıstri Arystanbek Muhamedıuly mınıstrlik ujymymen qoshtasyp, jańa taǵaıyndalǵan mınıstr Aqtoty Rahmetollaqyzyn quttyqtady dep habarlaıdy Qamshy.kz aqparat agenttigi. Bul týraly eks-mınıstr óziniń Feısbýk paraqshasynda málimdedi.

"Dostarym, búginnen bastap Qazaqstan Respýblıkasynyń Mádenıet jáne sport mınıstri qyzmetine Raıymqulova Aqtoty Rahmetollaqyzy keldi. Mınıstrlik jumysynyń qyr-syryna qanyq, meniń orynbasarym bolyp talaı jyl birge qyzmet atqarǵan biregeı maman, qaıyrymdy adam retinde bilemin.

Sala basshylyǵynda burynnan jumys istep, jaqyn júrgen adam qalǵanyna ujym da qýanyshty. Aqtoty Rahmetollaqyzy alǵa qoıǵan maqsattardy ádettegideı tabysty oryndaıdy dep senemin!

Aqtoty Rahmetollaqyzy, Sizdi Qazaqstan Respýblıkasynyń Mádenıet jáne sport mınıstri qyzmetine taǵaıyndalýyńyzben shyn júrekten quttyqtap, eńbekte tabys tileımin!

Iá, dostarym, búgin mınıstr retinde atqarǵan qyzmetimniń nátıjelerine esep beretin sát týdy. Men QR Mádenıet jáne sport mınıstrligin 2014 jyldyń tamyz aıynan bastap basqardym. Meni ujymǵa tanystyrǵan kún áli esimde, shyǵarmashyl, aqyldy, kózderinde ot bar mamandar birtindep ashyla bastaǵany da esimde. Osy jyldar ishinde Mınıstrliktiń ár qyzmetkerimen jaqyn dos bolyp kettik. Komandamyzben birlese talaı jumys atqardyq. Árqaısyńyzǵa eńbekterińiz úshin alǵysym zor! Sizderdeı adamdarmen birlese jumys istep, shamam kelgenshe paıdamdy tıgizgenim úshin taǵdyryma rızamyn!

Jańa mınıstr Aqtoty Raıymqulova bastamalardyń bárin jalǵastyratynyna, Mınıstrliktiń jumysy qarqyndy jáne joǵary nátıjeli qalpynda bolatynyna senimdimin. Shynaıy kóńilmen qabyl alyńyzdar, dostarym! Eshkimmen qoshtaspaımyn - sizderge degen dostyq kóńilde qala beremin.", - delingen eks-mınıstrdiń jazbasynda.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir