• USD 378.65
  • EUR 430.07
  • RUB 6
  • CNY 55.1
21 Tamyz, 09:32:46
Alpınısterdiń naqty qaı jerde ekeni áli belgisiz

17 Maýsym, 2019 NEWS

"Ertuǵyryl" serıalynyń rejısseri Metın Gıýnaı Saýran qalashyǵymen tanysty

Elbasynyń arnaıy shaqyrýymen Qazaqstanǵa kelip dańqty batyr - Qasym han jaıly kóp serıaly fılm túsirýdi qolǵa alǵan rejısser jobaǵa tarıhı oryndardy izdestirýde. 

Kıno súıer kórermenge belgili qoıýshy - rejısser, "Ertuǵyryl" serıalynyń avtory ári rejısseri Gıýnaı Metın ortaǵasyrlyq Saýran qalashyǵyn aralady dep habarlaıdy Qamshy.kz aqparat agenttigi.

QR Mádenıet jáne sport mınıstri Arystanbek Muhamedıulymen Otyrartóbe qalashyǵyn aralap,  fılmge daıyndyq jóninde pikir bildirýden bastalǵan sapar tarıhqa baı Saýrannyń syrly álemimen tanysty.

Ashat Ássandı


"Fılmniń ssenarııin jazý barysynda Qazaqstandaǵy tarıhı jerler jaıly da kóp izdendim. Túrkistan qazaqtyń handary men batyrlarynyń súıegi jatqan jer. Mádenıet jáne sport mınıstri Arystanbek Muhamedıulynyń da usynysy meniń izdenisime ushtasa tústi. Sondyqtan Otyrartóbe men Saýrannyń derekteri men tarıhı izderi fılmde kórinis tapsa degen oı týyndady. Aldyn ala tanysyp kórý jumystaryn bastadyq",- dedi rejısser Metın Gıýnaı.


Aıta ketsek, jýyrda ǵana  QR Mádenıet jáne sport mınıstri Arystanbek Muhamedıuly Túrkistan oblysyndaǵy tarıhı oryndarǵa jasaǵan sapary barysynda Saýran qalashyǵynyń tarıhı kelbetin saqtaı otyryp, qaıta qalpyna keltirý jumystaryn júrgizý, týrıstik ortalyqqa aınaldyrý boıynsha málimdegen bolatyn.  Mınıstrdiń "Kınolarda qazaq halqynyń ómirin kórsetý úshin tek kıiz úıdi ornata berý durys emes. Bizdiń negizgi beınemiz tarıhı qalalardy turǵyzǵan kóregendilikte jatyr. Sonyń bir mysaly retinde Saýran qalasyn aıtýǵa bolady. Árbir kirpishiniń ózinde sol ǵasyrdaǵy tereń fılosofııa jatyr",- degeni belgili.


Osy oraıda, Qazaq Ordasynyń negizin salýshy, qol bastaýda da, el basqarýda da ejelgi ata-dástúrin  meńgergen Qasym han jaıly 75 serııaly fılm belgili sultan, dańqty bahadúrdiń qaıratkerlik jolyn kórsetpek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir