14 Maýsym, 2019 Atyraý oblysy
Mahambet О́temisuly atyndaǵy Qazaq akademııalyq drama teatry pandýstarmen jabdyqtalmaǵan. Múmkindigi shekteýli jandar osy máselege shaǵymdanýda.
Turǵyndar shaǵymdanǵan máselege oblys ákimdigi nazar aýdardy.
Atyraý oblysy boıynsha Eńbek, áleýmettik qorǵaý jáne kóshi-qon komıtetiniń bólim basshysy Gúlnár Meńdiǵarıevanyń aıtýynsha, oblys ákiminiń birinshi orynbasary Serik Shapkenovtyń bastamasymen tirkelgen fakt tekseriletin bolady.
- Atyraý qalasynyń turǵyny Gúlnaz Kosmurzıevadan ótinish kelip túsken bolatyn. Jaqyn arada jospardan tys tekserý júrgiziledi.Tekseris nátıjeleri jáne qabyldanǵan usynymdar qosymsha baıandalatyn bolady,- deıdi Gúlnár Mendigarıeva.
Aıta keteıik, 2019 jyly drama teatrda kúrdeli jóndeý jumystary ótken bolatyn. Degenmen, múmkindigi shekteýli jandarǵa jaǵdaı jasalmaǵan. Osy oraıda oblys ákiminiń birinshi orynbasary Serik Shapkenov teatrda tekseris júrgizip, jaýapty tulǵalardy jaýapqa tartylýyn, sondaı-aq arnaıy komıssııa shaqyryp osy máseleni tezirek sheshýdi tapsyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir