Atyraý qalasynyń ákimi: Jazǵy demalys jaqsy ótýi tıis

 

Búgingi kúnde Atyraý qalasynyń menshiginde 7 qalalyq jaǵajaı, onyń 6-y oblys ortalyǵynda ornalassa, bireýi Geolog aýyldyq okrýginde. Búginde sanıtarlyq jáne aýmaǵyn tazalaý jumystary bastaldy. Shomylý maýsymyna deıin jaǵajaılar tolyq daıyn bolady dep kútilýde. 

 

"Atyraýdaǵy shomylý maýsymy belgilengen ýaqytta ashylýy tıis. Jaǵajaı aýmaǵy qoqystar men shynylardan tolyq tazartylýy qajet. Qala turǵyndarynyń jazǵy demalysyna eshtene bóget bolmaýy kerek. Sonyń ishinde, kishkentaı balalar jazǵy demalysyn óz qalasynda múmkindiginshe qolaıly ótkizýi úshin jaǵdaı jasaýymyz kerek", - deıdi Álımuhammed Quttymuratuly qol astyndaǵylaryna.

 

Sondaı-aq, qala ákimi qalalyq saıabaqtar men alańdardy tekserdi. Atap aıtqanda, Atyraý ákimi mádenıet jáne demalys oryndaryn kógaldandyrý boıynsha jumystar júrgizilip jatqan Retro-parkke bardy. Jaqyn arada saıabaq «Trava ý doma» JShS-niń senimdi basqarýyna berilgen bolatyn. Mekeme 10 jyl ishinde baptaý jáne kógaldandyrý jumystarymen aınalysady. 

 

"Eń aldymen, Retro parkte sýburqaqtar men sýarý júıeleriniń jumysyn josparlaý qajet, otyrǵyzylǵan ósimdikter men aǵashtar jazǵy kezeńde joǵary temperatýraǵa sáıkes sýarylý kerek. Bul jerdi gúldengen oazıske aınaldyrý kerek", - deıdi qala ákimi Retro Parktiń basshysy Tatıana Tegaıǵa.

 

Aıta ketý kerek, búginde Atyraýda qalany kógaldandyrý boıynsha MJÁ jobasy aıasynda 16 saıabaq jáne alań, sondaı-aq oblys ortalyǵynyń 39 kóshesi qalpyna keltirilgen. Budan basqa, Atyraýdaǵy alty alańǵa 9 jańa sýburqaq salý boıynsha qurylys jumystary júrgizilýde.