• USD 378.65
  • EUR 430.07
  • RUB 6
  • CNY 55.1
21 Tamyz, 11:22:47
Alpınısterdiń naqty qaı jerde ekeni áli belgisiz

16 Maýsym, 2019 Saıasat

Marǵulan Seısembaı: Bılik óz bıligin eshkimge bergisi kelmeıdi, ózderi máńgi bılegisi keledi

Adamdardyń basym bóligi bárin birden alǵysy keledi. Demokratııany, raqymshylyqty, ádildikti, bılikten kek alýdy, bılik ózin-ózi sabap tastaý men harakırıdi.

Belgili ınvestor, qoǵam belsendisi Marǵulan Seısembaı bıliktiń qolyndaǵy bılikti eki tarapqa da tıimdi ádispen sheshý jolyn usyndy dep jazady Qamshy.kz  aqparat agenttigi. 

Bul týraly ol óziniń facebook paraqshasynda jazdy.

"Dostar, osy kúnderi bizdiń qoǵamda kelesi qadamdar jóninde qyzý talqylaý men pikirtalas toqtamaýda. 
Adamdardyń basym bóligi bárin birden alǵysy keledi. Demokratııany, raqymshylyqty, ádildikti, bılikten kek alýdy, bılik ózin-ózi sabap tastaý men harakırıdi. Men de osynyń bárin talap etem, BIRAQ...

Bılik óz bıligin eshkimge bergisi kelmeıdi. О́zderi máńgi bılegisi keledi. Halyq aýyzyn jaýyp, úndemeı olarǵa aqsha tólegendi qalaıdy. Olardy synamaı olardy múldem mazalamaıtynyn qalaıdy. BIRAQ...

Eki jaqtyń de talaptary men múddeleri belgili jáne túsinikti, oǵan toqtamaı-aq qoıaıyn. Alaıda elimiz bir bolǵan soń, osy jerde birge turyp jatqan soń biz bul shıelenisti sheshýimiz kerek. Ony sheshýiniń eki aq joly bar:

1. Bıliktiń halyqty talaı ret aldaǵanyna qaramastan kelisim sózder men qadamdyq saıası reformalar. Bılik birtutas emes ekenin de eskergen jón. Olardyń ishinde de aqyldy, halyqtyń múddesin oılaıtyn tulǵalar men toptar bar ekenin umytpaý kerek.
2. Alań men revolıýsııa. Onda qan tógiske daıyn bolǵan jón, óıtkeni bılik áli kúshinde, olardyń jeńilú baǵasy óte joǵary, halyq talaptarynyń biri bılikti jaýlap alyp buryńǵy bılikten kek alý. Onyń ústinde UQShU (Ujymdyq Qaýypsizdik týraly Shart Uıymy)-nyń kelisimi boıynsha Reseı óz áskerin Qazaqstanǵa resmı túrde kirgize alady.

Al endi osy jaǵdaıda, ár adam óziniń naqty tańdaýyn jasaý kerek. Al emosııaǵa túspeı aqyldy túrde tańdaý jasaý úshin men sizdiń ár adamdy mynandaı synaqtan ótkizgenińiz durys bolar dep oılaımyn:

Birinshi.
Sizdiń eń basty este ustaıtynyńyz ol adam sózderiniń eń turaqsyz jáne senimsiz nárse ekeni. Adamdardyń sheshen, ádemi sózderine senýge bolmaıdy. Sózderdi burmalap, túsinikter men uǵymdardy aıyrbastap, sózben mılaryńdy shiritip jiberýge sheber adamdar kóp.

Ekinshi.
Ár adamnyń óziniń sózi úshin neni táýekelge, qaýypke salyp otyrǵanyn qarańyz. Ol óziniń ómirin, bas bostandyǵyn, ataǵyn, aqshasy men múligin óz sózderimen qaýypke tóndirip jatyr ma álde ol nárseler qaýypsiz jerde me. Sóz sóılep sizdi ertetin adamnyń ózi, onyń januıasy, múligi, elmen birge me, álde shet elde me. Osynyń barlyǵyn ol óziniń tańdaýy úshin joǵaltýǵa daıyn ba, joq pa?

Qazirgi jaǵdaıda eń mańyzdy nárse ol sizderdiń talaptaryńyz emes, ol sizderdiń óz talaptaryńyzdyń oryndalýy úshin siz qandaı baǵa tóleýge daıynsyz degen suraqqa jaýap.

Úshinshi.
Kez kelgen adamǵa senim artý úshin árqashan onyń isine qarańyz. Ol ózi úshin, qoǵam úshin qandaı jetistikterge jetti, ne istedi, ne istep jatyr, onyń qımyl áreketine qarańyz. Adam senimdi bolý úshin onyń sózi men isi bir bolý kerek. Ol sózin isterimen dáleldeý kerek.

Tórtinshi.
Adamǵa sený úshin onyń nıetine qarańyz. Nıettiń eki túri bolady- ashyq nıet jáne jasyryndy, ishki nıet. Jasyryndy nıetine nazar aýdaryńyz. Adamnyń jasyryndy nıeti ol bılikke qol jetkizý me álde qoǵamnyń múddesin qorǵaý ma? Bılikke talpynǵan adam árdaıym sizderdi óz maqsattarynda qoldanýǵa tyrysady jáne árqashan ózine básekes bola alatyn adamdardy jamandaıdy. 
Qoǵam múddesin kózdegen adam kerisinshe kez kelgen jaqsy ıdeıalary bar belsendi adamdy qoshtap onymen birge qyzymet jasaýǵa tyrysady.

Osy synaq pen meniń pikirim boıynsha, shıelenisti radıkaldy alań arqyly sheshýge shaqyrǵan adamdar Qazaqstanda bolyp alańǵa shyqqan halyqtyń aldynda bolý kerek dep oılaımyn. Olar ózderiniń maqsattary úshin óz bostandyǵy men densaýlyǵyn táýekelge salý kerek. Ystyq jańǵaqtardy ottan bireýdiń qoldarymen emes, ózderi de otqa qoldaryn suǵýy kerek. Sonda ǵana olar halyqty alańǵa shaqyrýǵa moraldy haqqa ıe bolady.

Men óz tańdaýymdy jasadym. Ol halyqtyń múddesin kózdep dıalog pen kelisimsóz jumysy arqyly saıası reformalardy alǵa júrgizý. Men osy tańdaýym úshin táýekelge ózimniń bostandyǵymdy, jaqyndarymnyń jaǵdaıyn, aqsha múligimdi qoıdym. Men Qazaqstandamyn, januıam da osynda, meniń barlyq bank shottarym men múlik ınvestısııalarym elde. Men óz moınyma erikti túrde úlken qaýyp alyp otyrmyn.
Eger kez kelgen adamdy bılik kóp degende 15 táýlikke japsa, meni aýyr baptarmen talaı jylǵa otyrǵyzýy múmkin. Osynyń bárin bile tura men bılikke unamaıtyn shyndyqty aıtyp, ashyq sóılep, kúnde óz ózimdi eki talaı jaǵdaıǵa soqtyryp júrmin. Meniń shet elge ketip áp ádemi, qıyndyqsyz ómir súrýge jaǵdaıym ábden jetkilikti. Biraq men bolashaǵymdy basqa elde kórmeımin, men ózimniń elimde júrip, kúnde bir adym bolsa da ony jaqsartýǵa áreket jasap júrmin.

Men táýkelge bárin qoıyp, qolymnan keletinimdi jasap júrmin, siz she? Siz jarqyn bolashaǵyńyz úshin qandaı baǵany tóleýge daıynsyz? Álde siz jánnátqa bireýdiń arqasynda jeteıin dep júrsiz be?

Sizder durys túsinýińiz úshin aıtarym. Men alańǵa shyǵýshylarǵa qarsy emespin. Bul olardyń haqysy. Men alańǵa ańqaý, kezdeısoq adamdardyń shyqpaýy úshin jazyp otyrmyn. Alańǵa tek táýekeldi alyp, ózderin qurbandyqqa shalýǵa daıyn adamdar ǵana shyǵýy tıis" delingen jazbada.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir