• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 04:19:47
Qazaqstan Ýkraınanyń saýda naryǵyna alańdaýly

16 Maýsym, 2019 Saıasat

Basshylar basqosýy. Pýtın men Rahmon qushaqtasyp, Toqaev toptan tysqary júr (vıdeo)

Azııadaǵy ózara yqpaldastyq jáne senim sharalary jónindegi keńestiń (AО́SShK) V sammıti  ótti.

15 maýsymda Tájikstan astanasy Dýshanbede Azııadaǵy ózara yqpaldastyq jáne senim sharalary jónindegi keńestiń (AО́SShK) V sammıti  ótti. Oǵan  Qazaqstan prezıdenti Qasym-Jomart Toqaev ta qatysty dep jazady Qamshy.kz aqparat agenttigi Aqordaǵa silteme jasap.

Sammıtke Toqaevtan bólek, Vladımır Pýtın, Sı Szınpın, Hasan Rýhanı, Shavkat Mırzııaev, Abdýlla Abdýlla jáne basqa da 27 eldiń basshylary qatysqan. Tájikstan astanasynda osyndaı ókildik delegasııa alǵash ret jınaldy. Sondyqtan bolar sammıt óterden bir kún buryn, ıaǵnı,14 maýsymda  Tájikstan prezıdenti Emomalı Rahmon qatysýshylar úshin "Dostyq keshin" uıymdastyrdy. Dýshanbe mańyndaǵy Varzob shatqalynda ornalasqan el rezıdensııasynda sammıtke jınalǵan memleketterdiń prezıdentterin qabyldaý ótti.  

Reseılik jýrnalıst Dmıtrıı Smırnov óziniń Twitter paraqshasynda Tájikstan prezıdenti Emomalı Rahmonnyń  Reseı prezıdenti Vladımır Pýtındi qushaqtaǵan sátin "Pýtın men Rahmon Dýshanbede: prezıdenttik deńgeıdegi qushaqtasýlar" dep jazǵan. 

Al Qazaqstandaǵy áleýmettik jelilerde el prezıdenti Qasym-Jomart Toqaevtyń prezıdentter basqosýynda toptan tysqary júrgen sýreti qyzý talqylandy. Feısbýk qoldanýshylary Toqaevty Qazaqstannyń eks-prezıdenti Nursultan Nazarbaev sııaqty "prezıdentter basqosýynda toptyń ortasynda júrip, kópshiliktiń nazaryna túse almady" dep synap jatyr.

Toqaev

Aqordanyń jazýynsha, Toqaev Tájikstanǵa barǵan saparynda birneshe eldiń basshylarymen kezdesti. Olardyń qatarynda Katar Ámiri Tamım ben Hamad Ál Tanı,Tájikstan prezıdenti Emomalı Rahmon jáne Túrkııa prezıdenti Rejep Taıyp Erdoǵan bar.

Toqaev óz baıandamasynda Emomalı Rahmonǵa qonaqjaılylyǵy, Sammıtti joǵary deńgeıde uıymdastyrǵany jáne prezıdent bolyp saılanýymen quttyqtaǵany úshin rızashylyq bildirdi. Sonymen qatar, ol Tájikstannyń Azııadaǵy ózara is-qımyl jáne senim sharalary jónindegi keńeske tóraǵalyǵy Keńesti Azııa aımaǵyndaǵy óte mańyzdy máselelerdi sheshý isine belsendi jumyldyrýǵa septigin tıgizetinin aıtty.

Toqaev 1992 jyly BUU-da Qazaqstannyń alǵashqy prezıdenti Nursultan Nazarbaevtyń Azııadaǵy ózara is-qımyl jáne senim sharalary jóninde keńes ótkizý jónindegi usynǵan ıdeıasy Azııa qurlyǵynyń tarıhynda jańa kezeńge jol ashqanyn aıtty.

"Búginde Azııadaǵy ózara is-qımyl jáne senim sharalary jónindegi keńes – Azııa óńirindegi 35 memleketti jáne jer sharyndaǵy halyqtyń jartysyna jýyǵyn biriktirip otyrǵan tıimdi kópqyrly qurylym", – dedi Qasym-Jomart Toqaev.

Qazaqstan prezıdenti qaqtyǵystardyń órshı túskenin, qaýipsizdik mehanızmderiniń erozııasyn, saýda jáne sanksııalyq soǵystardy, sondaı-aq, halyqaralyq terrorızmniń beleń alǵanyn atap ótip, óńirdegi qaýipsizdikke tóngen qaterdiń, ıdeologııalyq, etnıkalyq jáne dinaralyq qaıshylyqtardyń órship kele jatqanyna alańdaıtynyn aıtty. Osyǵan oraı, ol Azııadaǵy qaýipsizdiktiń túıtkildi máselelerin sheshý úshin júıeli ári keshendi ádisterdiń qajet ekenine toqtalyp, atalǵan problemaǵa baılanysty Qazaqstannyń ustanymyn jetkizdi.

"Barsha dostarymyz ben seriktesterimizdi Forýmnyń tıimdiligi men halyqaralyq básekege qabilettiligin arttyrý úshin kúsh-jiger jumyldyrýǵa shaqyramyz. Tolyqqandy óńirlik uıym bolý úshin bizge keńesti ret-retimen, birtindep transformasııalaý qajet. Azııadaǵy ózara is-qımyl jáne senim sharalary jónindegi keńesti ınstıtýsıonaldy túrde qalyptastyrý úshin barlyq jaǵdaı jasalǵan, quqyqtyq bazasy ázirlengen, onyń turaqty qurylymdary jumys istep jatyr", – dedi Toqaev.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir