Marǵulan Seısembaı: Bıliktegiler áli talaı qorqytyp, bopsalaıdy... biraq....

Belgili ınvestor, qoǵam belsendisi Marǵulan Seısembaı qoǵamdyq senim keńesin qurýǵa baılanysty aıtqan pikirimen kelispeıtinderge túsinikteme berdi dep jazady Qamshy.kz aqparat agenttigi. 

Bul týraly ol óziniń facebook paraqshasynda jazdy.

"Dostar, meniń keshegi postyma jazǵan kommentarıılerińizdi oqyp shyqtym. О́kinishke oraı, negizgi qaldyrǵan jazbalaryńyz - bılik buǵan barmaıdy, negatıvti oılar, meni ańqaý dep taný, kepildikterdi jáne t.b. talap etti. Soǵan baılanysty túsinikteme bergim keledi.

Birinshiden, qazir bılik bizdiń aıtqan sózimizden shyqpaıdy, aıtqannyń bárin oryndaıdy dep oılaıtyn men sonshalyqty ańqaý emespin. Eger olar osy tyǵyryqtan shyǵý úshin aıtylǵan qadamdardy jasasa, bul óte kúrdeli jáne baǵalanbaıtyn úderis bolmaq. Bul úderis kezinde áli talaı kelissóz júrgizetin qatysýshylary arasynda túsinispeýshilik pen narazylyq bolady. Bıliktegiler áli talaı qorqytyp, bopsalaıdy, radıkaldar bizdi talaı "bılikke satylyp ketti" dep kinálaıdy. Oǵan da daıyn bolý kerek. Bunyń bárin túsine otyryp qansha qıyn bolsa da bul joldan taımaý kerek dep oılaımyn.

Ekinshiden, olar meni de aldaı alady. Meni ómirde adamdar kóp ret aldady, sondyqtan men ózimdi basqa taraptyń oılaryn oqı alatyndaı sonshalyqty myqty dep sanaı almaımyn.

Úshinshiden, óz aqylyńyzben ómir súrińiz. Maǵan soqyr senýdiń qajeti joq. Senim - ol sizdiń synı oılaýyńyzdy doǵarý kerek degendi bildirmeıdi. Barlyǵyna kúmán keltirińiz.

Tórtinshiden, men tek qana bárin barynsha ashyq túrde jasaýǵa ýáde bere alamyn jáne tyrysamyn. Men úderistiń ashyqtyǵy úshin jaýap bere alamyn, biraq men nátıjege kepildik bere almaımyn. Radıkaldy alańǵa shyǵýshylarǵa meniń qarsy suraǵym bar:"Sender alańǵa shyǵyp kóterilis jasaǵanda onyń qansyz ótetinine kepil bere alasyńdar ma?". Siz de, men de bul jaǵdaıda eshqandaı kepil bere almaımyz, biraq endi amal áreket jasamaı otyrýymyz kerek pe?

Besinshiden, men jeńiske jetýdiń múmkindiginiń azdyǵyna qaramastan, bunymen aınalysamyn. Men barlyq saıası ózgerister beıbit jolymen bolýy úshin qolymnan kelgeniń bárin jasaımyn.

Altynshydan, men de bárin birden bolǵanyn qalaımyn, biraq men realıst bolǵandyqtan, artqa sheginbeıtindeı, bári birtindep jáne údemeli túrde bolǵanyn qalaımyn.

Jetinshiden, qaýipsizdik jerde otyryp, óziń eshteńe bitirmeı, óz sózderiń úshin jáne sol sózderden keıin bolatyn zardaptarǵa jaýapty bolmaı, aqyldy da jaqsy bolý ońaı.

Sondyqtan taǵy da barlyq senbeıtinderge aıtatynym - sóz emes, áreketterge senińiz. Mılaryńyzdy óshirmeńizder. О́z-ózińizge pir jasamańyz. Amal áreket jasańyz. О́z ómirińiz úshin jaýapkershilikti óz moınyńyzǵa alyńyz, sonda eshqashan túńilmeısiz.

PS. Biz birinshi jeńisterden eıforııadamyz. Biz bıliktiń kúshin qatty baǵalamaımyz. Qytaı soǵys ónerinde : «Dushpandardy eshqashan jete baǵalamańyz, al odaqtastardy asyra baǵalamańyz" degen sóz bar", - dedi Seısambaı óz jazbasynda.