Elordalyq polıseı atyshýly vıdeoda namysyna tıgenderge jaýap berdi (vıdeo)

Jelide astanada mıtıngige shyqqandardy ustaǵan áskerı qyzmetkerdiń vıdeosy jarııalandy - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Avtobýs ishinde túsirilgen vıdeoda ulty qazaq áskerı qyzmetshiniń namysyna tıetin sózder aıtyp, qysym kórsetken bir top adamdy kórýge bolady. Ánshi Raımnyń jeke oryndaýyndaǵy "Aýylymdy saǵyndym" ánimen súıemeldengen rolık áleýmettik jelilerde taralyp jatyr.

Nur-Sultan qalalyq polısııa basqarmasynyń resmı ókili Sofıa Qylyshbekovanyń aıtýynsha, vıdeodaǵy áskerı adam - polısııa aǵa leıtenanty Marat Baıdúısenov. Ol quqyq qorǵaý organdarynda 2015 jyldan bastap qyzmet etedi. Eki balanyń ákesi. 

"Bul oqıǵa 9 maýsymda qoǵamdyq tártipti saqtaý sharalary aıasynda bolǵan jaǵdaı. Polıseı ózin mundaı jaǵdaılarda ustaýdyń úlgisin kórsetip, asa bilikti qyzmetker retinde kórindi. Zań aıasynda áreket etip, bergen sertine berik boldy. Namysyna tıetin qanshama sózder men túsirip jatqan qysymǵa shydap, arandatýǵa ermedi. Bul naǵyz polıseıdiń úlgisi", - dep pikir bildirdi ol. 

Keıin ofıserdiń jelide taraǵan vıdeoǵa qatysty jaýaby aıtylǵan taǵy bir rolık jarııalandy. Onda polısııa aǵa serjanty mıtıng kezinde birneshe adamdy avtobýsqa otyrǵyzýǵa qatysqanyn aıtty.

"Avtobýs ishinde olar maǵan túrli jaman sózder aıtty. Men bárine shydadym. О́ıtkeni qarýsyz adamǵa qarsylyq kórsetkim kelmedi. Olardyń jasaǵany durys emes, árıne, biraq ondaı sátterde provokasııaǵa jol bermeý úshin sońyna deıin shydaý qajet dep oılaımyn. Biz jumysqa turǵanda qyzmetimizdi adal atqarýǵa, adamdardyń qaýipsizdigin saqtaýǵa, qylmyspen kúresýge ant beremiz. Sondyqtan memlekettiń turaqtylyǵyn saqtaý úshin kez kelgen zańbuzýshylyqpen sońyna deıin kúresemiz. Bul bizdiń mindet", - deıdi Marat Baıdúısenov jaýabynda.