Tórt santehnıktiń ólimine kináliler sottalady ma? (vıdeo)

Tórt santehnıktiń qazasyna baılanysty qamaýǵa alynǵan «Astana sý arnasynyń» qyzmetkerleri 7 jylǵa deıin sottalýy múmkin. Tergeý ızolıatoryna jabylǵan monopolıst mekemeniń eki laýazymdy qyzmetkeri kinálaryn moıyndaǵan dep habarlaıdy Qamshy.kz aqparat agenttigi KTK arnasyna silteme jasaı otyryp.

Nurlan Muqanov, Nur-Sultan qalalyq Polısııa departamenti Tergeý basqarmasynyń bólim bastyǵy:
"Jaýap alý barysynda ustalǵan eki azamat qatty ókindi. Sonymen qatar jetkiliksiz jumys istegenderin moıyndaıdy. Endi 7 jylǵa deıin jaza berilýi múmkin.",- dep málimdedi.

Qamaýǵa alynǵandardyń biri «Astana sý arnasynyń» bas mehanıgi. Ol, jumys kezinde qaýipsizdik talaptarynyń saqtalýyna jaýapty bolǵan. Iаǵnı, qudyq ishinde ýly metanǵa tunshyqqan santehnıkterge gazdan qorǵaıtyn betperde kıdirýi kerek edi. Biraq bul ereje oryndalmaǵan. Al, qolyna kisen salynǵan ekinshi adam Almaty aýdanyna qarasty «Astana sý arnasynyń» jetekshisi. Ol da qaýipsizdik talaptaryn óreskel buzǵan degen kúdikpen ızolıatorda otyr. Qazir «eńbekti qorǵaý erejesin buzý» baby boıynsha qylmystyq  is qozǵalyp, tergeý júrip jatyr. Jantúrshigerlik qaıǵyly oqıǵa týra 20 kún buryn bolǵan edi. Káriz qudyǵyn bitemek bop ishine túsken bir santehnık gazǵa ýlanyp til tartpaı ketedi. Keıin ony qutqaramyn dep tómenge birinen soń biri túsken úsh jumysshy da metanǵa tunshyǵyp qaza tapqan. Olar 24, 26, 31 jáne 51 jastaǵy jumysshylar.

Usynǵan: Bek Baıtas