Nur-Sultanda órtten qaza tapqan 5 qyzǵa qatysty qylmystyq is toqtady

2019 jyldyń 4 aqpanynda bolǵan 5 qyzdyń ólimine qatysty qylmystyq is toqtatyldy dep habarlaıdy Qamshy.kz aqparat agenttigi QazAqparat saıtyna silteme jasap.

Esterińizge sala ketsek, 4 aqpanda túnde Nur-Sultannyń Saryarqa aýdanyndaǵy «Kóktal-1» turǵyn úıdedegi jeke úıdiń aýlasynda turǵyzylǵan ýaqytsha baspanadan órt shyqqan bolatyn.

"Atalǵan ispen polısııa departamentiniń tergeý basqarmasy aınalysqan bolatyn. Barlyq saraptama jumystary men tergeý amaldaryn júrgizgennen keıin atalǵan is óndirisin toqtatý týraly sheshim qabyldandy. Qylmystyq is toqtatyldy. Quzyrly organ - Nur-Sultan qalalyq prokýratýrasyna atalǵan sheshimniń zańdylyǵyn tekserý úshin is qujattary joldandy", - dedi Nur-Sultan qalalyq polısııa departamenti tóraǵasynyń orynbasary Ǵazız Nurqaev elordada ótken baspasóz máslıhatynda.

О́rt sóndirý kezinde 2006, 2008, 2014, 2016, 2018 jyly týǵan 5 qyzdyń denesi tabyldy. Olardyń kishisi nebári 11 aılyq sábı edi. Bes balanyń ata-anasy oqıǵa ýaqytynda túngi jumysta bolǵan.