• USD 378.65
  • EUR 430.07
  • RUB 6
  • CNY 55.1
26 Tamyz, 15:58:04
Nyǵmatýlın Parlamenttiń qos palatasyn birlesken otyrysqa shaqyrdy

14 Maýsym, 2019 NEWS

Saılaýdaǵy baqylaýshylar: Biz basqa kandıdattarmen saılaý ótkizýdi qalaımyz (vıdeo)

2019 jyldyń 14-maýsym kúni saǵat 12:00-de Almaty qalasynda saılaý baqylaýshylarynyń bastaýymen baspasóz konferensııasy ótti

2019 jyldyń 14-maýsym kúni saǵat 12:00-de Almaty qalasynda saılaý baqylaýshylarynyń bastaýymen baspasóz konferensııasy ótti dep jazady Qamshy.kz aqparat agenttigi.

Konferensııanyń basty maqsaty – saılaýda bolǵan zań buzýshylardy jazaǵa tartý. Zań boıynsha jazalaý. Kórsetilgen mólsherde temir torǵa toǵytý. Saılaýdy qaıta ótkizý. Jańa kandıdattar jasaqtaý. Saılaýdyń ádil ótpegenin moıyndatý.

Spıkerler – Serik Abıshev, Aqmaral Qambarqyzy, Araı Nazarova, Aıman Tursynhan, Tımýr Pochanov.

Spıkerler Almaty qalasynyń ýchaskelerindegi baqylaýshylar tobynan kelgen. Neshe túrli zań buzýshylyqty kózben kórgen.

Konferensııanyń basyn Serik Abıshev bastady. Qolynda bar faktilerdi kórsetip, tek sol derek  boıynsha sóıleýge tyrysty. Sóz arasynda:

–Bizdiń saılaýdaǵy daýysymyz urlandy. Men bul sózdi QR-nyń azamaty retinde aıtyp turmyn. Baqylaýshylardy qýdalaý kóp jerde kezdesti. Sol jandardyń barlyǵyna tıisti shara qoldanýlaryńyzdy suraımyz,- dedi. Sandarmen kórsetilgen derekterdi halyqqa usynyp, óz sózin rastaıtyn qujattardy jarııa etti.

«Amanat» saılaýaldy qoǵamdyq baqylaý tuǵyrnamasynyń atynan kelipe turmyn" degen er kisi Serik Abıshevtyń sózin bólip, oǵan:

–Nege jaman jaqtaryn ǵana aıtasyzdar, mendi baqylaýshy boldym. Bizdiń ýchaskeden eshkim eshteńe suraǵan joq. Ádiletti bolsańyzdar qaıtedi. Mynaý baryp turǵan arandatýshylyq qoı,- dep sózin kese aıtty.

Baqylaýshylar men konferensııany uıymdastyrýshylar er adamdy is-sharadan alystatyp, syrtqa shyǵaryp jiberdi. Ary qaraı sóz kezegi Tımýr Pochanovqa berildi. Onyń da aıtyp otyrǵany – osy áńgime.

–Internette júrgen ot jaqsań óship ketetin sııanyń vıdeosyn men salǵan bolatynmyn. Ol Almaty oblysy Eńbekshiqazaq aýdany Qaınazar aýylynda bolǵan oqıǵa. Men mobıldi toptyń ishinde bolǵandyqtan, oqıǵa ornyna birden baryp, polısııa qyzmetkerlerin shaqyrtqanbyz. Biraq, bizdi tyńdar eshkim bolmady,- dedi Pochanov myrza.

Faktiler

Faktiler

Faktiler

Faktiler

Sonymen qatar Aqmaral Qambarqyzy da, Aıman Tursynhan da óz kózimen kórgen zań buzýshylyqtardy aıtyp berdi. Kezek suraqtarǵa keldi. 

«Eger sizder saılaýdyń ádiletsiz ekenin dáleleldep shyqsańyzdar, prezıdent kim bolady?»,- degen saýal kezdesti.

Onyń jaýabyn Serik myrza ózi berdi.

«Bılik ádiletsiz ekenin moıyndap jatsa, qaıtadan ekinshi saılaý ótkizemiz. Biraq, bul joly basqa kandıdattarmen.»,- dedi.

Baqylaýshylar qoldarynda bar faktilerdiń barlyǵyn usyndy. Qorytyndy sózdi Serik Ábishov aıtty:

–Biz konferensııany mıtıng jasaý maqsatpen jasaǵan joqpyz. Tek qana zań júzinde ádildikke jetsek,- dedi.

Osy sekildi vıdeomaterıaldar óte kóp. Jaqynda barlyǵy áleýmettik jelide jaryq kóretin bolady.  

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir