14 Maýsym, 2019 Saıasat
Toqaev: Halyq kedeılengennen keıin mıtıngke shyqty
Mıtıng kezinde qoǵamdyq qaýipsizdikke qaýip tóndirmegen adamdar jaqyn arada bosatylady.
Birshama halyq materıaldyq jaǵdaıy nasharlaǵan soń, narazylyq bildirip mıtıngke shyqty. Bul týraly Qasym-Jomart Toqaev Euronews basylymyna bergen suhbatynda málimdedi dep habarlaıdy Qamshy.kz aqparat agenttigi.
–Sherýge shyqqandarǵa kelsek, olar narazylyǵyn bildirý úshin kóshege shyqty. Qazir olardyń talabyn zertteý jumystary júrip jatyr. Kóbiniń talaby – áleýmettik sıpatta. Mundaı máselelerdiń baryn joqqa shyǵarmaımyn. Negizinde mundaı jaǵdaı adamdardyń kedeılenýine baılanysty bolady. Olar úkimetten áleýmettik-ekonomıkalyq problemalardy sheshýdi talap etedi, - dedi Toqaev. Onyń aıtýynsha, quqyq qorǵaý organdary zańsyz akısıalardyń jolyn kesýdi jalǵastyrady.
–Bas prokýratýra kóshedegi mundaı jıyndardyń zańsyz ekenin talaı aıtqan. Zańsyz mıtıngter, tártipsizdikter - buǵan qatysqysy kelmeıtin halyqqa kedergi keltiredi, - dedi Prezıdent.
–Bılik estidi. Endi jumys isteımiz. Olardyń arasyna kezdeısoq tap bolǵan adamdar baryn estidim. Olardyń aldynda, álbette, keshirim surap, tez bosatamyz. Bul problema sheshimin tabady", - dep ýáde berdi ol. "Árıne, olar bosatylady. Sebebi bul – óz pikiri. Máselen, men saılaýdy ádil ótti dep sanaımyn, - dep jaýap berdi «saılaý ádil bolmady» dep ustalǵandar jaıly Toqaev .
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir