• USD 378.65
  • EUR 430.07
  • RUB 6
  • CNY 55.1
22 Tamyz, 07:02:40
Senim údesinen shyqqan bank

14 Maýsym, 2019 Aıtty-eı, baýyryń!

Sadrıddın Ahmedov: Bıliktegi aǵalar, narazy halyqtyń ózimen emes, narazy bolýynyń sebebimen kúresseńizder

Sadrıddın Ahmedov bılik ókilderine sońǵy ýaqytta qaıta-qaıta alańǵa shyǵyp jatqan narazy halyqtyń ózimen emes, olardyń alańǵa shyǵýynyń sebebimen kúrisýge ótinish jasady. 

Qazaqstandyq kásipqoı boksshy Sadrıddın Ahmedov bılik ókilderine sońǵy ýaqytta qaıta-qaıta alańǵa shyǵyp jatqan narazy halyqtyń ózimen emes, olardyń alańǵa shyǵýynyń sebebimen kúrisýge ótinish jasady.  Bul týraly boksshy óziniń Facebook paraqshasynda jazdy.

"Assalaýmaǵaleıkým, Qazaq eli! Shet elde júrsek te, elimizdegi keleńsiz jaıttarǵa bizdiń de júregimizdi qynjylady. "Erim" deıtin El bolmasa, "Elim" deıtin Er qaıdan bolsyn demekshi, árqashan maǵan qoldaý kórsetip, ystyq yqylasy men duǵa-tilegin aıamaıtyn xalqymmen birge ekenimdi aıtqym keledi. Qurmetti, bıliktegi aǵalar narazy halyqtyń ózimen emes, sonyń sebebimen kúresseńizder degen ótinishimiz bar. 2019 jyl jastar jyly ekenin eskerip, zamandastarymnyń bolashaǵyna balta shabylmasa eken deımin. Alla elimizdi bále-jala, kesapattan saqtap, táýelsizdigimizdi qııametke deıin etýin tileımin.

Aıtpaqshy, 29-maýsymda qazaǵymnyń mereıin taǵy da ústem, abyroıyn asqaq etýge barymdy salamyn. Ár qazaq meniń jalǵyzym, aman bolsyn QAZAǴYM!",  – dep jazdy Ahmedov Facebook paraqshasynda.

21 jasataǵy Sadrıddın Ahmedov – áýesqoı bokstan jastar arasyndaǵy álem chempıony. Ol 2018 jyly kásipqoı boksqa aýysty. Kásipqoı rıngte segiz jekpe-jek ótkizip, segiz ret jeńiske jetken. Onyń jeti jekpe-jeginde merziminen buryn utqan. Qazirgi tańda Ahmedov kásipqoı bokstan WBC tujyrymy boıynsha jastar arasyndaǵy álem chempıony (2019) jáne WBC Asia  (2019) belbeýiniń ıegeri.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir