• USD 378.65
  • EUR 430.07
  • RUB 6
  • CNY 55.1
21 Tamyz, 18:25:27
Bala quqyqtaryn qorǵaý - aldyńǵy orynda

14 Maýsym, 2019 Saıasat

Toqaev: Bul – uıat! (vıdeo)

"Ádemi sóıleýdi qysqartyp, jumys jasańdar!"

Memleket basshysy Qasym-Jomart Toqaev elordadaǵy jolda ornalasqan káriz júıesiniń qudyqtary birneshe balanyń ómirin jalmaǵanyn aıtyp, bul jaǵdaıdy masqara dep atady dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Qudyq qaqpaqtarynyń máselesi – jaı ǵana uıat. Biz «Eýrazııanyń astanasy» dep júrgen qalada adamdar tesikke túsip ketip jatyr. Jáne dál osy máseleni búkil bılik qurylymy men qala ákimdigi birlesip sheshe almaýda. Ras, qazir bul másele birshama sheshimin tapqan. Biraq halyqaralyq sammıtter men dúnıejúzilik kezdesýler ótetin shaharda balalardyń káriz qudyǵyna túsip, qaza tabýy – masqara. Ádemi sózdi azaıtyp, jumysty isteý kerek. Adamdar úshin", - dedi Toqaev.

Eske sala keteıik, 29-mamyr kúni elordada kishkentaı bala velosıpedpen júrip káriz qudyǵyna túsip ketken. Abyroı bolǵanda, qudyq mańynan ótip bara jatqan adam balany kórip qalyp, qutqaryp aldy. Aqpan aıynyń sońynda 13 jastaǵy Baqdáýlet О́mirhan osyndaı káriz qudyǵyna túsip ketip, qaza boldy. osyǵan uqsas adam ólimi ótken jyldyń qarashasynda oryn alǵan. Ol kezde 13 jastaǵy Arýjan Maratova káriz qudyǵynyń qurbany bolǵan edi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir