• USD 378.65
  • EUR 430.07
  • RUB 6
  • CNY 55.1
21 Tamyz, 07:21:50
Alpınısterdiń naqty qaı jerde ekeni áli belgisiz

14 Maýsym, 2019 Saıasat

Baqyt Sultanov: Bul qalada ómir súrý qıyn

Nur-Sultannyń eks-ákimi Sultanov halyqtan keshirim surady

Búgin orynyn Altaı Kólginovke bergen Nur-Sultan qalasynyń eks-ákimi áleýmettik jelide bas qalanyń basshylyǵyndaǵy toǵyz aılyq qyzmeti týraly pikir bildirdi dep jazady Qamshy.kz aqparat agenttigi.

"Mine, bul oryndy tastap, kelesi «shaqyrýǵa» ketetin kún de keldi. Týra toǵyz aı ýaqyt óte shyǵypty. Bul merzimde bir bala dúnıege keledi ǵoı. Men osy qyzmetti atqara júrip ózim 20 jyl turǵan qalada azamattardyń jaqsy jumys tabýy, jaqsy ómir súrýi qıyn ekenin túsindim", - deıdi eks-ákim.

Sonymen qatar, Sultanov ákim qyzmetin atqara júrip alaıaq boryshkerlerdiń qaryzyn qaıtarýǵa, kópbalaly analardyń máselesin sheshýge, múmkindigi shekteýli balasy bar otbasylarǵa kómek berýge tyrysqanyn aıtty.

"Bılikti qolda durys ustasań, kez-kelgen sanattaǵy máselelerdi sheshýge bolady. Táýekel etý kóp jaǵdaıda jetistikke alyp keledi. Sondyqtan, men kóbine taptaýryn sheshim qabyldaýdan bas tarttym. Jedel sheshim qabyldaýǵa tyrystym. Eger bári biz qalaǵandaı, biz oılaǵandaı bolmaı shyqsa, keshirim suraımyn", - dep túıdi sózin Sultanov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir