Marǵulan Seısembaı: Ne isteý kerek?

Sońǵy kúnderi maǵan jıi qoıylatyn suraqtardyń biri: "Ne isteý kerek?"

Kóptegen adamdar maǵan: "Eger siz máseleni alańda sheshýge qarsy bolsańyz, onda bizge óz josparyńyzdy usynyńyz! Ári qaraı ne isteıtinimizdi aıtyńyz!" - dep suranys bildirgen.

Qalyptasqan jaǵdaıdy eskere otyryp, qoǵamda jınaqtalǵan narazylyqty qaıta kúshpen qalpyna keltirýge bolmaıtynyn túsine otyryp, elimizdiń odan ári damýy tutastaı qoǵam men bılik arasyndaǵy kelisimge baılanysty ekenin bile otyryp, men mynadaı qadamdardy durys dep sanaımyn:

1. Bılik pen qoǵamnyń barlyq toptarynyń ókilderi birlesip "otty toqtatý rejımin" jarııalaý kerek. Bul memleket tarapynan belsendilerdi qýdalamaý mindettemesi, al qoǵam tarapynan bul barlyq qoǵam qaıratkerleriniń jaǵdaıdy ýshyqtyrmaý jáne mıtıngterge shyqpaý mindettemesi.

2. Memleket tarapynan barlyq partııalarǵa, resmı jáne beıresmı qoǵamdyq birlestikterge, qaýymdastyqtar men qoǵamdastyqtarǵa óz talqylaýlaryn, sezderin jáne "Saıası Jańǵyrtý jónindegi Ulttyq Keńeste" (SJUK) jumys isteý úshin óz ókilderiniń saılaýyn ótkizýge múmkindik berý.

3. "Saıası Jańǵyrtý jónindegi Ulttyq Keńeste" (SJUK) bolý úshin árbir ókilge keminde 10 myń adam qoldaý kórsetýi tıis.

4. О́kilder qoldaý taýyp, mandattardy alǵan soń, memleket, "SJUK" jınalysyn jarııalap onyń jumysyn bastaý kerek.

5. "Saıası Jańǵyrtý jónindegi Ulttyq Keńes" birinshi kezekte 2 aıdan keshiktirmeı "Saılaý týraly" zańynyń jańa redaksııasyn talqylaýy jáne usynýy tıis.

6. "Saılaý týraly" zańynyń jańa redaksııasy bekitilgennen keıin bılik QR Parlamentine merziminen tys saılaý jarııalaýy tıis.

7. QR Parlamenti jańa "Caılaý týraly" zańyna sáıkes saılanǵannan keıin "Saıası Jańǵyrtý jónindegi Ulttyq Keńes" óz jumysyn toqtatýy tıis. Ári qaraı eldiń saıası jańǵyrtý máselelerin qoǵamnyń tolyq senimine ıe bolyp jańadan saılanǵan Parlament jalǵastyrýy tıis.

P.S.
Barlyq senbeıtin adamdarǵa, bılik oǵan barmaıdy, bılik ondaı múmkinshilik bermeıdi deıtinderge suraq: Sizder sonda ne usynasyzdar? Alańǵa shyǵyp án aıtýdy ma? Joq úıde otyryp sizderge bılik qashan ondaı múmkindik berer eken dep kútýdi me? 
Bılik sizdiń talaptaryńyzdy oryndaý úshin ol sizderdiń talaptaryńyzdy bilý kerek qoı birinshi.